Fermandarîya Qerargehê Merkezê Pawitişê Şarî her hîrê eyaletan rê mesajê fîrazkerdişî erşawitî. Mesajî wina yê:

Fermandarîya Eyaletê Heftanînî rê

''Çarçewa Hamleya Şorişgêre ya Cengê Heftanînî de ke eyalet de dewam kena, vera hêrişê dewleta TCyî ya kolonyalîste şima çalakîyanê xo de pê xoverdayîşê tarîxîyî derbê giranî dayî dişmenan ro. Çalakîyanê xo yê mabênê 21 û 25ê hezîrane de xeylêk dişmenî ameyî kiştene. Çalakîya nê 5 rojan de;

21ê hezîrane de waranê Xantûr, Tepê Dûpişkê, Tepê Şehîde Bêrîvane û Qesrokî de pê çalakîyanê xurtan û pê taktîkan dişmenan ro derbê giranî ameyî dayene. Bi taybetî çalakîya ke tede 34 leşkerî kişîyayî zaf serkewte bîye û goreyê dewirê neweyî ya. Reyna çalakîya fedayî ya embaz Memyanî ya Tepê Qesrokî de ke tede 6 leşkerî ameyî cezakerdene asta nê xoverdayîşî mojnaye. 23 û 25ê hezîrane de zî warê Tepê Şehîde Bêrîvane de 10 leşkerî ameyî cezakerdene. Na çalakîye zî çalakîyanê serkewteyan ra mîsalêk a. Ma seba nê çalakîyanê serkewteyan sere de fermandarîya xo pêro embazanê xo, hêzanê xo yê eyaletî fîraz kenê û xoverdayîşê tarîxîyî de serkewtiş wazenê.

Fermandarîya Eyaletê Botanî rê

Çalakîyanê Botanî de zî 15ê hezîrane de 13 leşkerî ameyî cezakerdene, wesayîtêkê kîrpî ame îmhakerdene ke na çalakîye de wext û ca bi hawayêkê raştî ameyî tesbîtkerdene. 16ê hezîrane de warê Navsera Cûdîyî de  pê îmhaya 4 wesayîtan, 3 kepçeyan û kamyonêke yê ke xebatê rayîrî kerdêne, cewabo xurt dişmenan rê ame dayene. Ma şexsê fermandarîya xo de pêro beşdarê na çalakîye, hêzanê eyaletî fîraz kenê û dewamê serkewtişî hêvî kenê û ma selam kenê. 

Fermandarîya Eyaletê Avaşînî rê

Çalakîyê 22ê hezîrane yê herêma Gelîya Doskî yê vera qereqolê Memişta û herêma mabênê Silort û Xapûşkî ya Şemzînanî xeylêk serkewte û binetîce bîyî. Ma fermandarîya xo, hêzanê eyaletê Avaşînî û yewinanê xo fîraz kenê û înan rê serkewtiş wazenê.

Ma pê bawer ê ke hêzê ma yê eyaletî nê esasî ser o serkewtişanê pîlan do bivisnê destî. Pê nê heskerdiş û hûrmetî ma selam kenê hêzanê eyaletan û înan rê serkewtiş wazenê.''