Fermandarîya Qerargehê Merkezê Pawitişê Şarî (MPŞ), seba têkoşînê vera hêrişê îşxalî Fermandarîya Eyaletê Heftanînî rê mesajê fîrazkerdişî şawit û nê vatî:

''Vera hêrişê îşxalî yê dewleta tirke 6ê hezîrane de ame desptêkerdene û bi heme îmkananê teknîkî yeno domnayene nê 5 rojan de şima bi têkoşînê xo yê tarîxî lapata tewr bitesîre daye dişmenî ro.

Bi bitaybetî zî hema roja verêne ya hêrişê îşxalî de vindertişê qehramanîye yê hemrayan Mazlûm û Egîdî yê Qilê Dupişkê û şerê xeta Qilê Sîpanî xoverdayîşêko pîl o. Reyna 19 hezîrane de Qilê Qesrokê de vera îşxalkeran têkoşînêko pîl ame ramojnayene ke 11 îşxalkerî ameyî kiştene. Hemraya Amara nê xoverdayîş de bi têkoşînê pîlî tewrê kerwanê şehîdan bîye.  Reyna Qilê Şehîd Adarî de vera îşxalkeran di çalakîyî ameyî kerdene. Nê çalakîyanê sabotajî de 11 leşkerê dişmenî ameyî kiştene. Eynî roje Qilê Şehîde Bêrîvane de çalakîyêke ameye kerdene.

Ma bawer kenê ke şima xeta qehremananê Cengê Heftanînî  Mazlûm, Egît û Amarayan de timûtim ser bikewê. Ma hemrayanê Apoyîyan ê fedaîyan ê ke tewrê na çalakîye bîyê û çalakîye bi hawayêkê afernayoxî viraştê reyna pîroz kenê, înan rê serkewtiş wazenê. Şexsê şima de heme hêzanê eyaletî bi heskerdiş û hurmet silam kenê. Bi hîsanê şorişgêran ê zerrî ra ma şima heminan rê serkewtiş wazenê.''