Fermandarîya Qerargehê Merkezê Pawitişê Şarî (MPŞ) bi eşkerayîyêke Operasyono Şorişgêr ê Zapî fîraz kerd. 

Eşkerayîye wina ya:

''Her çî ra ver ma embazanê xo Serxwebûn Serhed û Rizgar Çavreşî bi hûrmet û minetî yad kenê ke Operasyonê Şorişgêrî yê Şehîd Helmet Dêralukî de şehîd bîyî. Ma ancî soz danê ke şexsê embaz Serxwebûn û Rizgarî de wayîrê armancanê şehîdan vejîyê.

Operasyonê Şorişgêrî yê Şehîd Helmet Dêralukî derbêka girane da artêşa îşxalkere ro, tarîxê ma yê têkoşînî de bi operasyonêko şorişgêr o winayên ke rejîmê AKP-MHPyî yo faşîst lerzna. Bi ruhê Apogîrî, bi metodê pirodayîşî yê tûjî operasyon de giro ke dişmen tede bi bi temamî ame destvistebe, temamîya hêzê dişmenî ameye tasfîyekerdene, 61 îşxalkerî ameyî cezakerdene, dest nîya malzemeyanê leşkerîyan û ê bînî ameyî îmhakerdene. No teyna serkewtişê Operasyonê Şorişgêrî îsbat keno. Operasyonê Şorişgêrî yê Şehîd Helmet Dêralukî asta tewr berze de performansê taktîkan ê gerîlayan mojna. Nê operasyonê şorişgêrî ruhê hêrişî, caardişê asta taktîkî, metodê pirodayîşî astêka bêhempa de afernayî.

Heman wextî de no operasyon serkewtişêko girîng o ke hele bi hele ameyo qeydkerdene, raştîya şerî û îşxalkeran ameye belgekerdene. Sayê ney ra rixmo ke rejîmê AKP-MHPyî yê faşîstî xîret kerd ke netîceyanê operasyonî binimno zûrê înan eşkera bîyî û raştîya hêzê gerîlayan dîyar bîye.

Nika ra eşkera bi ke hetê têkoşînê ma ra serra 2024î do nêba serrêka normale û ma kewtê prosesêkê tarîxîyî. Destpêkerdişê serra newîye bi operasyonêkê winayênî aqîbetê emserî û rayîrê serkewtişî mojnayî.

Nê bingeyî ser o ma pêro fermandar û şerwananê Operasyonê Şorişgêrî yê Şehîd Helmet Dêralukî û keda pêro embazanê xo fîraz kenê. Ma embazanê xo pêroyînan zerrî ra selam kenê. Ma pê bawer ê ke serkewtişanê hîna pîlan bivisnê destî û serkewtişî hêvî kenê.''