Fermandarîya Qerargehê Merkezê Pawitişê Şarî (MPŞ) Eyaletanê Dêrsim û Botanî rê semedê çalakîyanê înan ê serkewteyan mesajê fîrazkerdişî şawit. Musaj wina yo:

''Şima 30ê temmuze de qezaya Xozatî ya Dêrsimî de vera qereqolê Amûtka çalakîyêka serkewte kerdbî. Na çalakîye de yew îşxalker amebi cezakerdene û wesayîtêko leşkerî amebi derbkerdene. Na çalakîya şima ya vera qereqolê Amûtkaya ke 1936 de seba qirkerdişê şarê Dêrsimî ronîyani û sebebê qirkerdişê xeylêk kurdan bi, wayîra manayêka tarîxî ya û mesajêko mehqûl dayo îşxalkeran.

Reyna qezaya Xozatî ya Dêrsimî de 5ê tebaxe de hêzanê şima yê YJA-Starî yewinêka îşxalkeran girewtbi binê kontrolê xo û çalakîyêka serkewte kerdbi. Na çalakîya bikoordîne de yew îşxalker amebi cezakerdene û îşxalkerê bînî zî ameybî derbkerdene. Na çalakîya ke seba vîrameyîşê fermandanê bêmergan ê Dêrsîmî Zîne Koçer û Yilmaz Dêrsimî amebî kerdene çalakîyêka zaf manadar û mehqûl a. Nê çalakîyan ancî mojna ke adirê serewedaritişî î xoverdayîşî yê şorişê Kurdîstanî berzîya Dêrsimî de qetî do hewna nêşoro û heta serfîrazî do gir û pîl bibo.

6ê tebaxe de dewa Şaminisî ya qezaya Şaxî ya Wanî de hêzanê YJA-Starî têdima çalakîyî kerdî. Nê çalakîyan de hem pê taktîkê sabotajî teknîkê îşxalkeran ame derbkerdene, dişmen ame kaşkerdene erazî gêrîya binê konrtolî hem zî nê îşxalkerî reyna ameyî hedefkerdene. Nê çalakîyanê ke seba selamkerdişê Hemleya 15ê Tebaxe ameybî kerdene de 10 îşxalkerî ameyî cezakerdene. Pê nê çalakîyan ame mojnayene ke pê Hemleya Egîdanê Botanî Eyaletê Botanî xeta fermandarê bêmergî Egîd (Mahsum Korkmaz) de têkoşînê gerîlayan rê heta serfîrazî dewam bikero.

Embazê ercîyayeyî;

Nê çalakîyî zaf girîng ê ke prosesê Roşanê Gandarbîyayîşî de esasê vîrameyîş û qesasê şehîdan de Vakurê Kurdîstanî de ameyî kerdene. Plansazî û caardişê nê çalakîyan hetê hêzanê ma yê YJA-Starî ra ameyî kerdene ke no zî rayberîye û rolê cinîyan ê kurdan Têkoşînê Azadîye yê Kurdîstanî de reyna  mojna. Nê çalakîyê serkewteyî, pîya caardişê taktîkan ê serkewteyan û bi hawayêkê giranî derbkerdişê dişmenî heman wextî de asta gerîlatîya dewrê neweyî û performansê na gerîlatîye eşkera kenê.

Ma pê bawer ê ke gerîlatîya dewrê neweyî hîna pratîze biba û rayraşîyayîşê serfîrazî de serkewtişanê pîlan dest bivisna. Ma pêro embazan û fermandaranê ke Eyaletanê Dêrsim û Botanî de tewrê na çalakîye bîyî, kede daye fîraz kenê. Ma pê na bawerî û hîsan pêro embazan selam kenê û înan rê serkewtiş wazenê.''