Fermandarîya Qerargehê Merkezê Pawitişê Şarî (MPŞ) bi mesajêkî pêro fermandar û şerwanê Hemleya Şorişgêre ya Bazanê Zagrosî û ê Warê Xoverdayîşî yê Şikefta Birîndaran fîraz kerdî.

Mesajê MPŞyî wina yo:

''Operasyonê peyênî yê hîrayî yê îşxalî yê artêşa tirke ya îşxalkere yo ke vera Herêmanê Pawitişî yê Medya dabi destpêkerdene 105 rojî xo pey de verdayî. Nê hêrişê îşxalî hetê gerîlayanê azadîya Kurdîstanî ra raştê xoverdayîşêkê pîlî ameyî. Cepheyo yewin ê nê xoverdayîşî bi destê fermandar û şerwananê qehremanan ê Eyaletê Zapî ame awankerdene. Xoverdayîşê hêzanê ma yê vera hêrişanê îşxalî yê bi paştdayîşê teknîkê NATOyî reyna îsbat kerd ke gerîlayî do bin nêkewê.

Şima sey fermandar û embazanê ma yê Warê Xoverdayîşî yê Şikefta Birîndaran bi îradeyêkê bêhempayî vera hêrişan xo ver da û bi taktîkanê zengînan derbê pîlî dayî artêşa îşxalkere ro. Rixmo ke artêşa îşxalkere bi teyarayanê şerî, helîkopteranê hêrişî, hewan, obus û çekanê qedexekerdeyan ê kîmyewîyan bi hezaran hêrişî kerdî la ê ginayî dêsanê bi îradeyê çelikî yê gerîlayan û hêrişê înan pûç bîyî. Têna bi westatî hêrişê dişmenî nêameyî vengkerdene, heman wextî de çalakîyê aktîfî yê tîmanê hereketînan û tunelanê şerî, nînan reyde cesaretê berzî û şuxilnayîşê taktîkanê serkewteyan derbê giranî dayî dişmenî ro.

Dima ke 30ê gulane de helîkopterê hêrişî ame pirodayene, 24ê temmuze de zî helîkopterêko bîn ê Skorskyî Warê Xoverdayîşî yê Şikefta Birîndaran de ame pirodayene. Dima zî 25ê temmuze de tîmanê ma yê hereketînan di baskan ra bi taktîkê xoverdayîşê mîyanî îşxalkerî ameyî hedefkerdene û bi serkewtişêkê pîlî hêzanê ma da piro, 1 tank ame rijnayene û tewr tay zî 5 îşxalkerî ameyî cezakerdene. Nê çalakîyê serkewteyî yê vera îşxalkeran mîsalê tewr eşkerayî yê metodê pirodayîşî yê Bazan ê.

Serkewtişê nê çalakîyanê netîcegîran reyde dewleta îşxalkere pê qetilkerdişê sivîlanê Zaxoyî cewab da û no zî mojneno ke Gerîlayê Azadîye hêzê pawitişê meşrûyî yê pêro şaranê Rojhelatê Mîyanênî yê. Heman wextî de nê çalakîyê ke serrgêra hewtîne ya hêrişanê ke dewleta îşxalkere 24ê temmuza 2015î de vera şarê ma û têgêrayîşî dabî destpêkerdene, reyna îsbat kerd ke xîretê tasfîyekerdişê dewaya estbîyayîş û azadîye yê şarê Kurdîstanî pûç ê.

Ma pêro şerwan û fermandaranê ke çarçewa Hemleya Şorişgêre ya Bazanê Zagrosî de bi taktîkanê afernayoxan Warê Xoverdayîşî yê Şikefta Birîndaran de mîyanê şert û mercanê zehmetan de bi îradeyêkê pîlî xo ver da, fîraz kenê. Ma sere de xoverdayoxanê Şikefta Birîndaran pêro embazanê xo yê Hemleya Bazanê Zagrosî selam kenê û înan rê serkewtiş wazenê.''