Herêma Şenyayla ya Mûşî de şewato ke heteyêk cuwa ver dest pêkerd hema dewam keno.

Şewat çend şino pereno cayanê cîyayan û vila beno. Rîyê şewatî ra bi seyan darî vêşayî bîyî wel. Herêma ke tede şewat vejîyo bi bahaneyê ''asayîş'' dekewtişê ci rê destûr nêdîyeno.

Serekê Pêroyî yê Komeleya Meşe Îhsan Aytemîşî vera şewatî nêrazîbîyayîş ramojna û vat: ''Vêşnayîşê daristanî qirkerdiş o. Ganî sebebê nê şewatan bêrê cigêrayene. Sûcdarî wa bêceza memanê.''

Mudirîya Pêroyî ya Daristanan a Mûşî zî da zanayene ke ê  kenê ke mudaxaleyê şewatî bikerî la rîyê şertanê zehmetan ê erazî ra nêeşkenê hewna bikerê û îmkanê înan ê hewayî ra mudaxalekerdişî zî çîn ê.