15ê çeleyî de dewleta tirke pê teyarayanê lerî hêrişê Şingalî kerdbi û hêriş de 4 endamê YBŞyî şehîd bibî ke înan ra yew zî Cîlo Şervan bi. Keyeyê Cîlo Şervanî nameyê ci da birazîyê ci.

Keyeyanê Şehîdan û Meclîsê Têgêrayîşê Azadîye yê Cinîyanê Êzidîyan (TAJÊ) keyeyê Cîlo Şervanî zîyaret kerd. Dadîya 2 şervanan Kinê Elyas zîyaret de qisey kerd û vat: ''Tornê mi bi, ma nameyê ci kerd pa Şervan Cîlo. Ma nêwaşt nameyanê şehîdanê xo wedarê. Ma nameyê şehîdanê xo bidê domananê xo ke qesasê şehîdan bigêrê.''

Dadîya Şehîd Êzdînî Nûrê Xidir zî vat: ''Nê domanî do qesasê ma bigêrê. Ma reyna şehîdanê xo yad kenê, ma do erdê xo de bimanê û xo ver bidê.''