Namzeda hemşaredarîye ya destbendkerdeye Gezgore arde Riha
Namzeda HDP’yî ya seba hemserekatîya Şaredarîya Serêkanîye Narîn Gezgore ke wextê akerdişê buroyê weçînitişî de hetê polîsan ra ameyebî destbendkerdene, arde Riha.
Merasîmê akerdişê buroyê weçînitişî yê HDP’yî yê qezaya Serêkanîyî ya Riha de, polîsan bi bombayanê gazî hêriş kerdîbîy û namzeda hemsereka şaredarîye Narîn Gezgore ameyebî destbendkerdene.
Bi îdîaya "Propagandaya rêxistinî" Gezgore vizêrî şewe arde Midûrîyetê Asayîşî yê Riha. Ame musayene ke, zereyê roje de îfadeyê Gezgore do bêro girewtene.
