Merkezê Îrtîbatî û Çapemenîye yê HPGyî nasnameyê 3 gerîlayanê ke Zap de tewrê kerwanê şehîdan bîyî eşkera kerdî.

Eşkerayîya HPGyî wina ya:

''Mabênê 29-31ê gulane de warê Ciloyê Qijî yê herêma Zagrosî de mabênê hêzanê ma û artêşa tirke ya îşxalkere de pêkewtişê giranî qewimîyayî. Nê pêkewtişan de hêzanê ma xoverdayîşêko fedayîkî kerd û derbeyê pîlî dayî dişmenî ro. Nayî ser o artêşa tirke mecbûr mend ke peyser agêro. Artêşa tirke dima ra herême bombarduman kerde. Nê pêkewtişan û bombardumanan de hemrayê ma Melsa, Rustem û Çîyager ê ke bi îradeyê bêhempayî vera îşxlakeran şer kerd tewrê kerwanê şehîdan bîyî.

Nasnameyê embazanê ma yê ke şehîd bîyî wina yê:

Nameyê Qodî: Melsa Dêrik Name û Peyname: Medya Alî Cayê Bîyayîşî: Dêrik Maye-Pî: Şerîfa Yûsiv Tarîx û Cayê Şehadetî: 31ê Gulana 2021î / Zap

Nameyê Qodî: Çiyager Amed Name û Peyname: Muhammed Kadir Cayê Bîyayîşî: Kobanê Maye-Pî: Sîlva – Salih Tarîx û Cayê Şehadetî: 31ê Gulana 2021î / Zap

Nameyê Qodî: Rustem Garzan Name û Peyname: Îsmaîl Şîmşek Cayê Bîyayîşî: Bedlîs Maye-Pî: Hazîne - Mehmet Tarîx û Cayê Şehadetî: 31ê Gulana 2021î / Zap

Hemraya ma Melsa bajarê Dêrikî yê Rojawanê Kurdîstanî de ameya dinya û keyeyêkê welatperwerî de bi kulturê kurdî bîya pîl. Hema domananîya xo ra gerîlayan rê sepatîya aye estbi.  Verî xebata ciwanîye de ca girewto û dima ke fikrê Rayber Apoyî nêzdî ra nas kerdî verê xo dayo koyanê Kurdîstanî û tewrê sefanê gerîlayan bîya. Demo kilm de musayê cuya koyanê sereberzan ê Kurdîstanî. Hemraya ma Melsa bado ke perwerdeyê leşkerî û îdeolojîk dî, xo resna û gamê muhîmî eştî, sey fermandara YJA Starî xoverdayîşî rê serkêşîye kerde. Ciloyî ra heta Avaşînî û uca ra heta Zapî têkoşîno bêmabên kerd û tewr peynî de tewrê xoverdayîşê Zapî bîye û mîyanê fermandaranê bêmergan ê Destanê Zapî de cayê xo girewt.

Hemrayê ms Çîyager keyeyêko welatperwer ê Kobanê de ameyo dinya û tradîsyonê xo rê giredêya bîyo pîl. Nê taybetîyan ra Têgêrayîşê Azadîye rind nas kerd û badê Şorişê Rojawanî bi tesîrê fikranê Rayber Apoyî tewrê sefanê gerîlayan bîyo.  Demo kilm xo newe ra aferna û bi gerîlayêko serkewte. Bado ke hîrê serrî Zap de pratîko zehmet rayra berd warê Zapî de vera îşxalkeran xeylêk çalakîyan de ca girwet û derbeyê pîlî dayî dişmenî ro û bi hewayêkê qehremankî tewrê kerwanê şehîdan bi.

Hemrayê ma Rustem keyeyêko welatper ê qezaya Xîzanî ya Bedlîsî de ameyo dinya û serra 2015î ke dewleta tirek polîtîkaya îmha û qirkerdişî ya vera kurdan zafêr fînayebî dewre, verê xo dayo koyanê azadan. Demo kilm de pê taktîkê neweyî yê gerîlayan xo resna û bi gerîlayêko serkewte. Hemrayê ma Rustemo ke musayîşî rê zaf meraqê ci estbi bi heyacan û coş perde dî û hemrayîye herçî ra cor dîyêne. Helanê tewr zehmetan de kişta embazanê xo de bi Zap de tewrê kerwanê şehîdan bi.

Ma hemrayanê xo Melsa, Çîyager û Rustem ê ke qehremananê bêmergan ê Zapî de cayê girewt bi hurmet yad kenê û sere de keyeyanê erjîyayeyan ê şehîdan heme şarê welatperwerî yê Kurdîstanî rê serweşîye wazenê. Ma soz danê, beyraqa şorişî ya ke embazanê ma dewrê ma kerde, ma do qerardar heta serkewtişî bikirişê''