Merkezê Îrtîbatî û Çapemenîye yê HPGyî derheqê 2 gerîlanê ke Zap de şehîd bîyî de eşkerayîye daye.

''Eşkerayîya HPGyî de nê ameyî parekerdene:

Artêşa tirke ya îşxalkere 12ê hezîrane de hêrişê warê Herfa Tyî ya herêma Zapî kerd.  Netîceya bobmardumanî de hemrayê ma Berwelate û Gulîstane yê ke wezîfeyê xo ser o bî şehîd kewtî.

Nasnameyê embazanê ma yê şehîdan wina yê:

Hemraya ma Berwelate keyeyêko welatperwer ê bajarê Hesekê yê Rojawanî de dadîya xo ra bîya û wextê Şorişê Rojawanî de Têgêrayîşê Azadîye yê Kurdîstanî nas kerdo. Bitaybetê têkoşînê Mazlûm Doganî yê Xoverdayîşê Zîndanê Amedî aye ser o tesîr kerd û seba ke a zî nê têkoşîn de ca bigêro verê xo dayo koyanê Kurdîstanî. Tewrbîyayîşî  ra dima wendiş û cigêrayîşê xo zêdîna û xo sey gerîlayêka serkewtîye resna. Hemraya ma Berwelata ke perwerdeyo leşkerî û îdeolojîk dî seba ke bibo gerîlayêka serkêşe keda pîle daye. Sey mîlîtanêka nimûneye  tewrê Hemleya Şorişgêre ya Bazanê Zagrosî bîye û mîyanê şehîdanê qehremanan de cayê xo girewt.

Hemraya ma Gulîstane keyeyêko welatperwer ê bajarê xoverdayîşî Kobanê de dadîya xo ra bîya û Şam de bîya pîl. Badê Şorişê Azadîye yê Rojawanî  hemraya ma Gulîstane reyna verê xo dayo herra xo ya ke tede bîya. Hemraya ma Gulîstane ke nêzdî ra pê çimanê xo dîye ke şorişî komelî ser o senî tesîro pîl kerd, ferq kerd ke no bedilnayîşo pîl pê felsefeya Rayber Apoyî bîyo û tewrê sefanê gerîlayan bîya. Hemraya ma Gulîstane bado ke tewrê gerîlayan bîye xo newe ra aferna û bîye mîlîtanêka nimîneye ya YJA Starî.

Hemrayê ma Berwelate û Gulîstane ke pê cuye û têkoşînê xo bîyî şerwanê serkewteyî yê îdeolojîya azadîye ya cinîyan. Ma serede keyeyanê înan ê erjayeyan rê heme şarê welatperwerî yê Kurdîstan û cinîyan ê xoverdayoxan rê serweşîye wazenê.''