Merkezê Îrtîbatî û Çapemenîye yê HPGyî nasnameyê di şehîdan eşkera kerdî.

Eşkerayîye wina ya:

''Milîtanê ercîyayeyî yê têkoşînê azadîya cinîyan embazê ma Berfîne û Jîyanda 7ê nîsana 2024î de herêma Zapî de awa Zapî de netîceya qezayêkê bêtalehî de şehîd bîyî.

Embazê ma Jîyanda û Berfîne bi krîteranê xo yê şorişgêrîye bîyî milîtanê PKK-PAJKî yê nimûneyî. Ma sere de keyeyanê înan rê pêro şarê Kurdîstanî yê welatperwerî rê serweşîye wazenê. Ma soz danê ke têkoşînê embazanê xo yê şehîdan ser bivisnê.

Nasnameyê embazanê ma yê şehîdan wina yê:

Nameyê Qodî: Jîyanda Laşer Name û Peyname: Fatma Kaynak Cayê Bîyayîşî: Colemêrg Maye-Pî: Remzîye – Abdulhalik Tarîx û Cayê Şehadetî: 7ê Nîsana 2024î / Zap

 

Nameyê Qodî: Berfîne Zîlan Name û Peyname: Rîma Abdullah Cayê Bîyayîşî: Efrîn Maye-Pî: Hamîde – Muhammed Tarîx û Cayê Şehadetî: 7ê Nîsana 2024î / Zap

Embaza ma Jîyanda Colemêrg de keyeyêkê welatperwerî de dadîya xo ra bena. A ciwanîya xo de tewra xebatan bena. 2015 de zî Zagrosan ra a tewra gerîlayan bena.

A Avaşîn de perwerde vînena û heta 2021î tîya de manena. Embaze Jîyanda tîya de çalakîyanê serkewteyan de cagêna û xo aver bena. Embaza ma Jîyanda dima verê xo dana Zapî û tîya de zî xeta fedayîtîye de şer kena.

Embaze Jîyanda wexto ke awa Zapî ra derbaz bena şertanê hewayî yê xiraban ra kewena verê awe û şehîd bena. Ma soz danê ke xeyalê ci yê Rayberîya Azade û Kurdîstanê Azadî bîyarê ca.

Embaze Berfîne Efrîn de keyeyêkê erebî yê welatperwerî de dadîya xo ra bena. A nêzdî ra bena şahîda qirkerdişanê vera kurdan, wextê Şorişê Rojawanî de partîya ma şinasnena û bi tesîrê partîya ma tewrê şorişî bena.

A 2017 de vera cerganê DAÎŞî şer kena. A vera îşxalê dewleta tirke xoverdayîşê Efrînî de zî cagêna. 2018 de a Akademîya Şehîd Ezîz Erebî de perwerde vînena û dima verê xo dana koyan. Embaze Berfîne koyan de têkoşînê xo yê xurtî rê dewam kena. A hetê îdeolojîkî ra zî xo aver bena. Heyf ke a embaze Jîyanda reyde awa Zapî de şehîd bena. Ma soz danê ke xeyalê ci cuya azade awan bikerê.''