Nasnameyê di şehîdanê Xakurkê ameyî eşkerakerdene
HPGyî eşkera kerd ke di gerîlayî Xakurkê de şehîd bîyî û vat hemrayê ma Tîjda û Faraşîne do tim mîyanê têkoşînê ma de bicîwîyê.
ŞEHÎDÊ XAKURKÊ
Merkezê Îrtîbatî û Çapemenîye yê HPGyî eşkera kerd ke di gerîlayî Xakurkê de şehîd bîyî û nasnameyê înan eşkera kerdî.
Eşkerayayîye wina ya: ''Nîsana 2024î de herêma Xakurkê de hêrişê dişmenî de hemrayê ma Doktro Tîjda û Faraşîne şehîd bîyî. Hemrayê ma Tîjda û Faraşîne ke bi vindertişê xo yê cuye û tewrbîyayîşê têkoşînê azadîye bîyî gerîlayê YJA Star û mîlîtanê PKK-PAJKî yê serkewteyî do bi têkoşînê xo yo ke dewrê ma kerd tim mîyanê têkoşînê ma de bicîwîyê.
Hemrayanê ma Faraşîne û Tîjda bi felsefeya Rayber Apoyî vera koletîye seba ke şar û erdê xo bixelisnê bîyî şervanê azadîye û koyanê Kurdîstanî de bi têkoşînê xo cinîyan ê kurdan rê bîyî nimûne.
Ma sey hemrayanê înan hemrayanê xo Tîjda û Faraşîne bi hurmet û heskerdişî yad kenê, sere de keyeyanê ci yê erjîyayeyan heme şarê welatperwerî yê Kurdîstanî rê serweşîye wazenê.''
Nasnameyê embazanê ma yê şehîdan wina yê:
|
|
Nameyê Qodî: Tîjda Jiyan Name û Peyname: Nurbahare Karadagli Cayê Bîyayîşî: Riha Maye-Pî: Hediye – Mehmet Tarîx û Cayê Şehadetî: Nîsana 2024î / Xakurkê |
|
|
Nameyê Qodî: Faraşîn Gabar Name û Peyname: Bahare Akyol Cayê Bîyayîşî: Şirnex Maye-Pî: Fatma – Abdullah Tarîx û Cayê Şehadetî: Nîsana 2024î / Xakurkê |
Tîjda Jiyan
Faraşîn Gabar
