Nasnameyê şehîdanê çalakîya fedayî ya Anqara ameyî eşkerakerdene
Fermandarîya Qerargehê Merkezê Pawitişê Şarî (MPŞ) nasnameyê şehîdanê ke vera Wezîrîya Karanê Zereyî 1ê teşrîna verêne de çalakîye kerdbî, eşkera kerdî.
Fermandarîya Qerargehê Merkezê Pawitişê Şarî (MPŞ) nasnameyê şehîdanê ke vera Wezîrîya Karanê Zereyî 1ê teşrîna verêne de çalakîye kerdbî, eşkera kerdî.
Eşkerayîye wina ya:
'' Ma dabi eşnawitene ke 1ê teşrîna verêne ya 2023yî de 09.30 de, merkezê Anqara de vera cayê Wezîrîya Karanê Zereyî ya Tirkîya tîma ma ya Tabûrê Bêmergan çalakîya fedayîye kerda û dabi zanayene ke ma nasnameyanê nê embazanê ma yê fedayîyan bi hawayêkê bidetayî pare bikerê.
Na çalakîye fedayî ya bêhempa û heybetîne hetê embazanê ma Rojhat Zîlan (Ozkan Şahîn) û Erdal Şahînî (Hasan Oguz) ra ameye kerdene. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke terzê embazîye, tewirê fedayî, profesyonelî, qesas û çalakîyanê nê şehîdan rê tim girêdaye bibê û têkoşînê înan qetî biresnê serkewtişî.
Nasnameyê embazanê ma yê şehîdan wina yê:
|
|
Nameyê Qodî: Rojhat Zîlan Name û Peyname: Ozkan Şahîn Cayê Bîyayîşî: Wan Maye-Pî: Îpeke–Mehmet Tarîx û Cayê Şehadetî: 1ê Teşrîna Verêne ya 2023yî / Anqara |
|
|
Nameyê Qodî: Erdal Şahin Name û Peyname: Hasan Oguz Cayê Bîyayîşî: Mersin Maye-Pî: Ramziye – Abdulselam Tarîx û Cayê Şehadetî: 1ê Teşrîna Verêne ya 2023yî / Anqara |
Embazê ma Rojhat qezaya Erdîşî ya Wanî de dadîya xo ra beno. Embaz Rojhat dima ke kekê ci Agîd Wan tewrê gerîlayan bi partîya ma şinasneno. O dima tewrê xebatanê ciwanan beno. Dima ke kekê ci şehîd beno 2014 de o verê xo dano koyan, beno gerîla. Embaz Rojhat tewrê Hêzanê Taybetan beno û xo tim aver beno. Embaz Rojhat felsefeya Rayber Apoyî museno û keno ke goreyê na felsefe biciwîyo. Embaz Rojhat bi nê armancî xo xeta fedayîye de aver beno. Embaz Rojhat pê kesayetê xo beno mazharê heskerdişê embazanê xo. O dima tewrê Tabûrê Bêmergan ê Şehîde Zîlane beno. Embaz Rojhat seba ke qesasê şehîdan û şarê ma bigêro mesuldarîya çalakîya fedayîye gêno xo milî.
Embazê ma Erdal keyeyêkê şirnexijî de Mersîn de dadîya xo ra beno. Embaz Erdal hema domanîya xo de rîyê dişmenî yê qirkerî vîneno. Embazê ma Erdal wexto ke beno ciwan tewrê xebatan beno. Embaz Erdal 2013 de rêçê apê xo yê şehîdî Şahîn Canselî de şino û tewrê gerîlayan beno. Embazê ma Erdal cade adapteyê cuya gerîlayan beno û heqê pêro zehmetîyan ra yeno. Embaz Erdal xo tim sey fedayîyêkî perwerde keno û wazeno bibo Zîlane. Embazê ma Erdal adirê azadîye xo zerrî de visneno ta û bi çalakîya fedayîye zî nê adirî keno gandar. Embaz Erdal zerrîya pêro kurdan de pê çalakîya xo ya fedayîye beno wayîrê cayêkê taybetî.''
