Merkezê Îrtîbatî û Çapemenîye yê HPGî da pêhesnayene ke gerîlayêke Heftanîn de tewrê kewanê şehîdan bîye û nasnameyê ci eşkera kerd.

Eşkerayî de nê ameyî vatene: ''Çarçeweya Hemleya Şorişgêre ya Cengê Heftanînî de gerîlayê azadîye yê Kurdîstanî bi têkoşînê xo tarîx nusenê. Hemraya ma fermandare Zelale zî nê qehremanan ra yewa ke roja verêne ra mewzîyanê têkoşînî de ca girewtêne û derbeyê pîl, dayî dişmenî ro. Hemraya ma Zelala ke heme waranê Heftanîn de vera dişmenî şer kerd 23ê temmuze de warê Şeşdara de heta guleyê xo yê peyêne şer kerd û tewrê kerwanê şehîdanê bêmergan bîye.

Gerîlaya ke şehîd bîye zanayîşê nasnameyê ci wina yê:

Nameyê Qodî: Zelale Sîdem Name û Peyname: Rojbîne Varli Cayê Bîyayîşî: Amed Maye-Pî: Zeynep - Veysî Tarîx û Cayê Şehadetî: 23ê Temmuza 2020/î / Heftanîn

Hemraya ma Zelale 1992 de Amed de keyeyêko welatperwer de ameya dinya  û erjanê xo rê giradaye bîya pîle. Hema serranê xo yê ciwanîye de vera polîtîkaya qirkerdişî yê vera kurdan bêveng nêmende û 2008î de verê xo dayo koyanê Kurdîstanî. Xeylêk wext Zagros de cepheyê têişînî de menda û bi komûtaya fermdaranê efsanayan yê Zagrosî Reşît û Rojîne de yê xeylêk çalakîyan de cayê xo girewto. Tim bi sefanê verênan de cayê xo girewto û mîsyonê serkeşîye bi serkewtiş ardo ca. Heftanîn de vera hêrişê îşxalî yê dewleta tirke bi îradayê xurtî yê Zagrosan têkoşîn rê serkeşîye kerde û derbê pîlî dayê dişmenî ro. Hemraya Zelala ke serkeşanê Hemleya Şorişgêre ya Cengê Heftanînî ra yew a, bi îradeyê xo yê xurtî û tewirê xo yê fedayî rayîrê ma yê serkewtişî roşt kerd. Sere de keyeyê embaza ma ya delale ma heme şarê  welatperwerî yê Kurdîstanî rê serweşîye wazenê û sozê serkewtişî newe kenê.''