Merkezê Îrtîbatî û Çapemenîye yê HPGyî nasnameyê şehîdê Garê eşkera kerd.

HPGyî vat: ''Ma eşkerayîya xo ya 14ê sibate ya 2021î de dabi eşnawitene ke 13ê sibate ra heta 14ê sibate dormeyê dewa Şikeftîyanî ya Garê 5 rey ame bobmardumankerdene. Nê hêrişî de embazê ma Gelhat Tolhildan tewrê kerwanê şehîdan bi.

Nasnameyê gerîleyê şehîdî wina yo:

Nameyê Qodî: Gelhat Tolhildan Name û Peyname: Firat Ekmen Cayê Bîyayîşî: Adana Maye-Pî: Halîme - Abdullahlîm Tarîx û Cayê Şehadetî: 14ê Sibate 2021 / Garê

Hemra Gelhatî ke xovedayîşo destankî yê Garê yê 4 rojan de tewrê kerwanê şehîdan bi rolê xo yo tarîxî kay kerd. Hemrayêma Gelhat eslê xo de bajarê xoverdayîşê Cizîr a Botan de ame dinya la rîyê hêrişê qirkerdişî yê dewleta tirke yê vera kurdan mecbur mend ke metropolanê tirkan rê bar bikero. Hemrayê ma Gelhato ke dormeyê welatperwer de bi pîl rewî ra rîyê dewlete yo hêrişkar dî û vera nê zîhnîyetê faşîstî mîyanê têkoşînî de cayê xo girewt. Badê hêrişê qirkerdişî yê dewleta tirke yê vera Xoverdayîşê Xoîdarekerdişî yê Cizîre 2016 de tewrê sefanê gerîlayan bi. Hemrayê ma Gelhatî bi ruhê xoverdayîşê Mehmet Tunçan demo kilm de gamê pîlî eştî. Şexsê hemrayê ma qehreman şehîd Gelhatî de xoverdayîşê Garê de reyna ame vînayene ke îredayo Apoyî bin nêkewno.

Ma sere de keyeyê ercîyayeyî yê embazê ma yê şehîdî heme şarê Cizîre û şaro welatperwer ê Kurdîstanî rê serweşîye wazenê û soz danê ke ma do têkoşînê bi serkewtişî tacîdar bikerê.''