Nasnameyê şehîdêkê Metîna ame eşkerakerdene
HPGyî eşkera kerd ke gerîlayêk Metîna de şehîd bîyo û vat: ''Hemrayê ma Têkoşerî ke sey ciwanêkê êzidîyî xoverdayîşo pîl kerd do semedê ma û ciwananê êzdidîyan tim sey nimûne bêro girewtene.''
Merkezê Îrtîbatî û Çapemenîye yê HPGyî nasnameyê şehîdekî eşkera kerd.
HPGyî vat: ''Ma eşkerayîya xo ya 14ê gulane de dabi zanayene ke Qilê Zendûra yê herêma Metîna de pêkewtişê giranî qewimîyenê. Nê pêkewtişan de 3 îşxalkerî ameyî cezakerdene û îşxalkerêk birîndar bi. Embazê ma Têkoşerî ke bi cesaretê pîlî şi dişmenî ser bi hewayêkê qehremankî tewrê kerwanê şehîdan bi.
Nasnameyê embaze ma yê şehîdî wina yo:
|
|
Nameyê Qodî: Têkoşer Botan Name û Peyname: Îbrahîm Elyas Cayê Bîyayîşî: Şingal Maye-Pî: Cemat Burco – Elyas Osman Tarîx û Cayê Şehadetî: 14ê Gulana 2021î / Metîna |
Hemrayê ma Têkoşer sey domanê êzdiyanê ke tim raştê qirkerdişan yenê Şingal de ameyo dinya û sey ciwanêkê bianorî nasnameyê xo pawit. Bado ke vera hêrişê DAÎŞî yê vera êzidîyaan ê 2014î mîlîtananê PKKyî şarê êzidîyan pawit, nê embazê ma Têkoşerî ser zaf tesîr kerdo û qerarê tewrbîyayîşê sefanê gerîlayan girewto. Bado ke resa koyanê azadan ê Kurdîstanî seba ke rewna PKK nasnêkerdo demo ravêrte sey vînbîyaye hesibnayo. Hemrayê ma Têkoşero ke eşqê pîlî tewrê Hemleya Şorişgêre ya Cengê Heftanînî bîyo, Metîna de pratîk rayra berdo û bi hewayêkê qehremankî tewrê kerwanê şehîdan bîyo.
Hemrayê ma Têkoşer sey ciwanê êzidîyî bi kesayetê netewî û mîlîtanîya Apoyîye û cuya xo ya têkoşînî do semedê ma û ciwananê êzidîyan tim sey nimûne bêro girewtene. Na çarewe de ma sere de keyeyê erjayeyî yê şehîdê, heme şarê Şingalî û şarê welatperwerî yê kurdan rê ma serweşîye wazene.''
