Merkezê Îrtîbatî û Çapemenîye yê HPGyî nasnameyê şehîdêkî eşkera kerd.

HPGyî vat: ''Hermrayê ma Andok Erdîş warê Dola Maranî ya Avîşînî de 23ê gulane de pêkewtişêk de birîndar bi. Embaz Andok rixmê heme mudaxaleyan 24ê gulane de tewrê kerwanê şehîdan bi.

Nasnameyê embazê yê şehîdî wina yo:

Nameyê Qodî: Andok Erdîş Name û Peyname: Zafer Kapici Cayê Bîyayîşî: Wan Maye-Pî: Perîşane-Cengîz Tarîx û Cayê Şehadetî: 24ê Gulana 2021î / Avaşîn

Hemrayê ma Andok keyeyêko welatpewer û kedkar ê qezaya Erdîşî yê Wanî de ameyo dinya û bi zanayîşê welatperwerîya Serhadi bîyo pîl.  Rîyê polîkaya qirkere ya dewleta tirke ra mecbur mendo ke şiro metropolan û tîya rîyê dişmenî yo raşt dahanî zelal dîyo û vera sîyasetê qirkerdiş û neheqîye verê xo dayo têgêrayîşê xoverdayîşî. Hemra Andoko ke 2014 de tewrê sefanê PKKyî bîyo koyanê azadan de xo newe ra afernayo û bîyo mîlîtanêko serkewte. Serhadî ra heta Zagrosan demo kilm de pratîk de keda pîle daye û tim û tim cepheyê şerî de cayê xo girwet. Vera hêrişê îşxalî yê dewelta tirke waranê Stûnê û Basya de xeylêk çalakîyan de cayê xo girewt û ci rê serkêşîye kerde û nê xoverdayîşan nimûneyê qehremanîya destankî ramojnayî. Hemrayê ma Andok têkoşînî azadîye de do sey sembolê kede û fedayîye tim bêro vîrardene û rayîrê serkewtişî roşn bikero.

Sere de keyeyê erjîayeyî yê hemrayê ma yê şehîdî wa sereyê şarê Erdîşî û heme şarê welatperwerî yê Kurdîstanî weş bo.''