Nawnayîşanê Başûrî de bi desan kesî ameyî destbendkerdene
Bi desan kesî vengdayîşê Tevgera Nifşê Nûyî ser o Hewlêr û Silêmanî de nawnayîşan de ameyî têhet û nawnayîşan de bi desan kesî ameyî destbendkerdene.
Hewlêr û Silêmanî de bi desan hemwelatîyan bêedaletî, bêusûlîye protesto kerde. Dîya zanayene ke Hêzanê Asayîşî nawnayîşanê Hewlêr û Silêmanî de xeylêk kesî destbend kerdî.
Muxabîrê kanala KNNyî Eyub Elî Wertî, xebatkarê televîzyonê NRTyî Taîf Goran û Biryar Nêrweyî û mesuldarê Tevgera Nifşê Nûyî yê Dihokî Aram Hiseyn zî hetê hêzanê PDKyî ra ameyî destbendkerdene.
