Komîteya Şar û Bawerîyan a KCKyî bi wesîleya Roşanê Remezanî eşkerayîyêke daye. Eşkerayîye wina ya:

''Ma pê hêvîdar ê ke Roşanê Remezanî seba komelê Îslamî û pêro merdimîye bibo wesîleya haştîye, aramîye û weşîye. Ma vanê wa roşano emserîn hêz bido têkoşînê demokratîk, têdûşt û azadî. Sere de misilmanê Kurdîstanî ma roşanê misilmanê pêro dinya fîraz kenê.

Têkoşînê demokrasî yo nikayên seba misilmanan qasê îbadetî bîyo wezîfeyêko fîraz.Ganî misilmanî nê rejîmê sîyasî û cuye qetî qebul nêkerê. Caardişê têkoşînê demokrasî exlaqî yo, merdimî yo. Îslam têna pê têkoşînêkê winasênî eşkeno xo destê dîktatoranê mezhebperestan, neteweperestan û qirkeran ra bixelisno. 

Bi wesîleya nê roşanî ma menga pêro misilmananê dinya danê ke yewîya demokratîje xurt bikerê, pê wayûbiratîye têbigêrê. Ma venga misilmananê Rojhelatê Mîyanênî danê ke pê hîşmendîya demokratîke vera mezhebperestan, neteweperestan, faşîstan û îstîsmaranê dînî têkoşîn geşêr bikerê. Ma Roşanê Remezanî yê şaran fîraz kenê. Ma hêvîdar ê ke no roşan seba Rojhelatê Mîyanênî wa bibo wesîleya haştîye û wayûbiratîye.

Kurdîstanijê ercîyayeyî;

Şarê Kurdîstanî pê hêrişanê rejîmê faşîstî yê AKP-MHPyî roşanî pêşwazî keno. Semedê hêrişanê îşxalî ra destkewteyê kurdan binê tehlukeyî de yê. Coka kurdî her kesî ra verî bêteref bibê. Heta ke ma hêrişanê qirkeran çin nêkerê û cuya azade û demokratîke awan nêkerê ma do cuyêka arame nêvînê. Ganî ma têkoşîn pîl bikerê.

Şert o ke ma xoverdayîşê gerîlayan reyde bibê yew. Tewrbîyayîşê gerîlayan seba ma nêbo nêbeno, têkoşînê ney ganî ma rê bibo esas. Tek rayîro ke peynîya tecrîdî bîyaro, cewab bido xoverdayîşê zîndanan û azadîye bîyaro ca no yo. Pê wesîleya nê roşanî ma venga kurdîstanijan danê ke xoverdayîşê vera hêrişanê dewleta tirke pîl bikerê.

Dewleta ke ziwanê dayîke yê kurdan qedexe kerdo vana 'meseleya mi bi kurdan çin a.' Kurdê xayînî pê eşkerayîyanê xo hetê dewleta tirke de vindenê. Hêrişê ke nika yenê kerdene konseptêko mîyanneteweyî yo. Coka sere de şarê Vakur û Başûrê Kurdîstanî pêro kurdî bivînê ke înan ser o tehlukeyo pîl esto û ganî vera ney wurzo payan ser.

Nê prosesî de têkoşînê yewîya neteweyîye zaf girîng a. Ma venga kurdan danê ke dişmenîya dewleta tirke ya vera xo çin bikerê. Ma reyna visnenê vîrî ke ganî vera fîtne û fesadîye têkoşîno hempar bêro xurtkerdene.

Nê roşanî de ganî ma zêdêr wayîrê şehîdanê xo vejîyê. Pê wayîrvejîyayîşê vîrameyîşanê înan ma cewab bidê hêrişanê dişmenê faşîst û qirkerî. Kurdî ganî pê girseyî şehîdgehan zîyaret bikerê û şehîdanê xo bîyarê vîrî.  Sere de keyeyê şehîdan ganî ma asta berze de paştdayîşê xo xurt bikerê. Ma şexsê şehîdanê Hemleyanê Şorişgêran ê Bazanê Zagrosî û Cengê Xabûrî de verê pêro şehîdan de rîyê xo anê wa û reyna şehîdan rê sozê serkewtişî danê. Sere de xoverdayoxanê kampanê Mexmûr û Lavrioyî ma Roşanê Remezanî yê pêro misilmananê kurdîstanijan fîraz kenê û têkoşîn de înan rê serkewtiş wazenê.