Netîceya teqayîşî de domanêk birîndar bi
Dewa Serêgirî ya qezaya Hezexî ya Şirnexî de netîceya teqayîşî de domanê bi nameyê Omer Işîmî birîndar bi.
Domano 15 serre Omer Işîm wexto ke nêzdîyê dewa Serêgirî ya Hezexî de gêrayêne hacetêk dibî. Domanî hacet berd keye û keye de hacet teqîya. Doman bi giranî birîndar bi.
Omer Işîmo ke bi giranî birîndar bi, bi helîkopterê ambulansî wedarîya Nêweşxaneyê Bîlkentî yê Anqara. Ame parekerdene ke rewşa domanî zaf giran a.
