Nêweşê alzheimerî Hasan Goçukî ra 15 rojî yo xebere çin a
Dewa Aşgasorî ya qezaya Dara Hênî ya Çewlîgî de 17ê nîsane de nêweşê alzheimerî Hasan Goçuk (80) vînî bibi. Xebatê cigêrayîşî dewam kenê la Goçukî ra hema zî xeberêke nêameye girewtene.
Dewa Aşgasorî ya qezaya Dara Hênî ya Çewlîgî de 17ê nîsane de Hasan Goçuko 80 serre seba ke biewno heywananê xo keyeyî ra vejîya û heta wextê fitarî nêagêra keye. Dima ke keyeyê Guçukî xebere daye selahîyetdaran seba Hasan Goçukî xebatê cigêrayîşî dîyayî destpêkerdene.
Xebatê cigêrayîşî pê drone, ekîpa bi 300 kesan û kutikan dewam kenê la Goçukî ra hema zî xeberêke nêameye girewtene. Dîya zanayene ke Hasan Goçuk nêweşê alzheimerî yo.
