Kurdîstano ke xizmetê weşîye nîno kerdene de şar  tengayîya pîle anceno. Bajar û qezayan de ya nêweşxane çîn o, ya zî cayê ke nêweşxane esto, doktorî çîn ê. Na rewşe bena sebebê cuya xeylêk merdiman. Nê cayan ra yew zî qezaya Milazgirî ya  Mûş a.

Mîlazgîro ke nufusê ci 60 hezar o de rixmo ke nêweşxaneyê dewlete esto tede doktorê sey beşanê cerahîyo pêroyî, norolojî, nêweşîye zereyî, goş pirnike qirrike, xelisyayîş û nêweşîyê cinîyan û beşê domanan çîn ê. Seba ke doktorî çîn ê nêweşî şinê bajaranê bînan.

Murat Çiftçîyo ke Mîlazgîr de ciwîyeno vat: ''Seba ke doktorî çîn ê mi nêweşa xo berde Patnos. Nêweşîya kronîk a, ganî hewte de tewr tay reyêke ma şirê nêweşxane. Cinîya mi nêwaşa astimî ya, la tîya doktorî çîn ê. Aşme de tewr tay ma çar rey şinê Patnos ke ma ra 45 kîlometre dûrî de yo. Hem madî hem manevî zor dîyeno ma. Mîlazgîr de nêweşne est la doktorî çîn ê, sîstemê weşîye ya winayêne çirey bena.''