Taxa Yeşîlkentî ya qezaya Nisêbînî ya Mêrdînî de perey saete 16:00 de domanêko  8 serre wexto ke embazanê xo reyde teber de kay kerdêne pê guleyêko ke eşkera nîyo ke ça ra erzîya gina sereyê ci. Domano birîndar cade wedarîya nêweşxane la nêame xelisnayene. Domanî dinyaya xo bedilnaye.

Waka ey vat: ''Wexto ke serebût qewimîya ez keye de bîya. Birayê mi sereyê xo ra ameyo pirodayene. Goreyê cîran û embazanê birayê mi vengê çeke hetê sînorî ra ameyo.''

No domano verên nîyo ke bi guleyan yeno kiştene. Domanê kurdan tim bi eştişê guleyanê leşkeran, pirodayîşê wesayîtanê zirxinan ê artêşa tikre û mayinê ke dewleta tirke herra Kurdîstanî de ca kerdî yenê qetilkerdene. Dewleta tirke ya ke  23ê Nîsane sey roşanê domanan fîraz kena hetê bînî ra domananê kurdan qetil kena.  Ceylane Onkol, Mazlum Akay û Ogur Kaymaz têna înan ra tay ê.