Nizdê 200 wesayîtanê zirxinan ê PDKyî verê xo da Sîdekanî
Nizdê 200 wesayîtanê zirxinan ê PDKyî ewro veraşan Deşta Heyatê û Deşta Herîrê ra ver bi herêma Bradostî ya Sîdekanî kewtî rayîr. Qismêkê wesayîtan resa Sîdekanî.
Goreyê xeberanê ke çimeyanê cayîyan ra ameyî girewtene nizdê 200 wesayîtanê sey tanq, panzer, TIR û wesayîtanê bînan ê PDKyî yê ke tede doçka û topî zî est ê, şawîyayî warê Bradostî yê Sîdekanî.
Yeno îdakerdene ke PDK bi wesayîtanê leşkerî yê ke Deşta Heyatê û Deşta Herîrê ra fînayî rayîrî, do hêrişê Goşînê, Qirrika Sînga û Qirrika Berbizinê bikero.
