Çalakîya nobeta serê sînorî ya Kobanê vera hêrişanê îşxalî yê dewleta tirke û cerganê ci roja 7ine de dewam kena. Rêxistinê DBP û DEM PArtî, TJA, Wekîlê DEM Partî Ferît Şenayaşar û Dîlane Kunt Ayan zî tede xeylê kesî tewrê çalakîye bîyî.

Hemşaredarê Xalfetî Mehmet Karayilanî çalakîye de xîtanê girseyî kerd û vat ke kurdî do tim vera hêrişan destkewteyanê xo bipawê. Karayilanî bale ante mesajê Rayber Apoyî ser û vat: ''Ma tîya ra Rayber Apoyî selam kenê. Ganî cewab bidê hemleya haştî û çareserîye ya Birêz Ocalanî. Ma do bi wayîrvejîyayîşê mesajê Îmraliyî têkoşînî pîlêr bikerê.''

Vervatoxê Platformê Kede û Demokrasîyî yê Amedî Ahmet Baranî pare kerd ke ganî Sûrîye û Rojawan de seba çareserîya meseleyan dîyalogî dest pêbikerê û bi ruhê Kobanê vera çeteyan xoverdayîş bêro kerdene.

Hemserekê YEW-KURDî Rêdûr Dîcleyî îfade kerd ke ê vera hêrişanê îşxalî yê û venga her kesî da ke vera hêrişab vengê xo berz bikerê.

Dîlane Kunt Ayan vat: ''Selamê Abdullah Ocalanî ame. Birêz Abdullah Ocalanî dîyar kerd ke o do destek bido prosesî. Ma tîya ra veng danê ke bi ruhê xoverdayîşê Kobanê veng bidê nê vengdayîşî.''

Çalakîye bi slogananê sey “Bijî berxedana Rojava”, “Silav, silav, ji Îmraliyê re hezar silav” û “Bijî Serok Apo” qedîyaye.