Şubeyê Amedî yê Komeleya Huqûqnasan a Azadîye (OHD) muracatê Serdozgerîya Komare ya Amedî kerd û kesê ke 21ê gulane de hêrişê goran kerdbi, gerreyê înan kerd.

Muracat de ame waştene ke kes û wezîfedarê asayîşî yê ke no hêriş  kerd, wa bêrê tesbîtkerdene û derheqê înan de bi sûcdarîyanê ''qijkerdişê vîrameyîşê kesan'', ''zerardayîşê îbadetxane û goristanan'', ''astegkerdişê azadîya bawerî, fikr û kanaatî'' dewaya umûmîye bêra akerdene.

Hetê bînî ra muracat de ame waştene ke herinda hêzanê asayîşî de dozgerîye bi xo tehqîqat bikero.