Herêma Zagrosan ra gerîla Berfîne Kendal û gerîla Erdal Bestayî ANFyî ra qisey kerd û da zanayene ke ê do îşxalê dişmenî biqedînê.

Gerîla Berfîne Kendal pare kerd ke torra embazîye ya gerîlayan, hêzê na torre û îrade hêrişanê artêşa tirke şiknenê. Gerîla Berfîne vat: ''Artêşa tirke 23ê nîsana 2021î de bi armancê tasfîyeya gerîlayan hêrişê Metîna, Avaşîn û Zapî kerd. La xoverdayîşê gerîlayan hesabê dişmenî pûç kerd. Gerîlayî zorîye nêşinasnenê û hêzê fedayî yê. Dewlete hêrişanê xo de madeyê teqaberî, çekê kîmyewîyî, gazê kîmyewîyî û pêro teknîkî şuxilnayî. La ruhê fedayîyî rayîr nêda îşxalkeran. Ma do nê rayîrê şehîdan teqîb bikerê û dişmenî erdê xo ra vejê.''

Gerîla Erdal Bestayî vat: ''Planê tasfîye yê dişmenî pê xoverdayîşê tarîxî yê gerîlayan pûç bi. Dişmenî pêro îmkanê xo şuxilnayî la vera xoverdayîşê gerîlayan nêeşka netîceyêke bivisnê destî. Ma xo rê xeta xoverdayîş û serkewtişî esas gênê. Embazanê ma vera vengdayîşê teslîmîyetî yê dişmenî pê xoverdayîşî cewab da. Ma do bibê teqîbkerdoxê xeta şehîdan û xoverdayîşî pê têkoşînî tacîdar bikerê.''