Koordînasyonê PAJKî serrgêra 6. ya Qirkerdişê Şingalî de keyepelê xo  “pajk.org” eşkerayîyêke daye.

Eşkerayîye wina ya:

''Ma Fermanê 73. şermezar kenê û qurbanê Fermanê 73. û şehîdanê Şingalî bi mîney û hûrmetî yad kenê. Ma venga pêro cinîyanê dinya danê ke seba ke  3ê tebaxe sey roja qirkerdişê êzidî û cinîyan bêra îlankerdene bêrê ma têkoşîn bikerê.

Pêro welatanê kolonyalîstan tim waşt ke wayîrê Kurdîstanî bi taybetî ê Şingalî bibê. Êzidîyî dewrê Osmanijan de zî rastê xeylêk qirkerdişan ameyî. DAÎŞî hêrişê xo yê vera Şingalî de armanc kerd ke verê averşîyayîşê kurdan û Şorişê Rojawanî bigêro. Nê hêrişî hetê şerwanan ra ke pabesteyê paradîgmaya Rayber Apoyî yê, ameyî çinkerdene. DAÎşî verê çimanê pêro dinya de hêrişê Şingalî kerd û cinîyan rê tecawuz kerd, cinîyî kerdî kole, bazaran de rotî. Hêzanê PDKyî nê hêrişan de êzidîyî teriknayî. 

Şerwananê YPG û YPJyî mudaxeleyê qirkerdişî kerd û dima zî hêzanê HPG û YJA-Starî seba ke verê qirkerdişî bigêro verê xo koyanê Şingalî. Tarîx do ne nê şerwanan ne zî înanê ke no erd terikna xo vîrî ra nêkero.

Qirkerdişê Şingalî mojna cinîyan ke eke ma pawitişê xo nêro ca çew nêeşkeno ma bipawo û ma do maruzê şîdetê camêrdan bibê. Na raştîye seba cinîyan ê kurdan girîngêr a. Çunke dewleta tirke vera cinîyan ê kurdan tacîz û tecawuzan sey polîtîkaya şerê taybetî ana ca.

Şingal ewro zî hedefê dewleta tirke de yo. Dewleta tirke 5 reyî hêrişê Şingalî kerd û waşt ke gureyê DAÎŞî temam bikera. Serrgêra qirkerdişî ra çend rojî verê cû paytextê dewleta tirke Anqara de di kênayê êzidîyî netîceya xîretanê keyeyê ci de ameyî dîyene. Nê kênayî pê pereyan hetê keyeyê înan ra DAÎŞî ra tepîya ameyî girewtene. No bazirganîya merdiman a. Dewleta tirke cewabê nê serebûtî nêda û bêveng menda. Cinîyî Şingalî ganî bi hawayêkê zixmêrî xo bipawê û rêxistinîya xo bîyarê ca.

Ma sey PAJKî venga pêro cinîyanê dinya danê ke paştî bidê cinîyan ê êzidîyan û seba ke  3ê tebaxe sey roja qirkerdişê êzidî û cinîyan bêra îlankerdene têkoşîn bikerê.

Ma mesuldarîya nê qirkerdişî ra hesab persenê. Ma selam danê êzidîyan û têkoşînê cinîyan ê êzidîyan. Ma reyna pêro şehîdanê Şingalî bi mînet û hûrmetî yad kenê û keyeyanê înan rê serweşîye wazenê.''