Partîyanê Yewîya Neteweyîye ya Kurdan derheqê hêrişanê dewleta tirke yê vera Şingal, Mexmûr û Herêmanê Pawitişî yê Medya eşkerayîyêka nuştekîye daye.

Eşkerayîya Partîyanê Yewîya Neteweyîye ya Kurdan wina ya:

''Hêriş, kerdiş, sûc û îşxalê Tirkîya bîyî rojane ke verê çimanê pêro dinya de yenê kerdene. Efrîno îşxalkerde, Serêkanîyê û Girê Sipî, Kurdîstanê Başûrî û Lîbya şahîdê nê sûcan ê. Dewleta tirke pê nê hêrişan armanc kena ke mesaj bida kurdan ke ê eşkenê kurdan çin bikerê. Bêvengîya vera hêrişanê Rojawan û Başûrê Kurdîstanî hêz dana dewleta tirke. Ma nê hêrişan ê dewleta tirke şermezar kenê û venga komelê mîyanneteweyî danê ke bêvengîye ra fek vera bido û hêrişanê dewleta tirke vindarno.

Ma venga Hukmatê Iraqî û Hukmatê Başûrê Kurdîstanî danê ke vera nê hêrişan tewirê xo bimojnê.

Ma venga şarê kurdî danê ke vera sûc û hêrişanê dewleta tirke sere wedaro. Ganî dîyalogê kurdan dewam bikero. Dewleta tirke pê pêro metodan xîret kena ke nê dîyalogan biherimna. Tirkîya dişmena pêro kurdan a.''