Hemserekê DER-MEZî Mehmet Şerîf Akbaşî  îfade kerd ke prosesê janî de zaf dezgehî kokiman rê xizmet kenê û coka înan zî bire daye ke nê xizmetî bi kurdkî bidê.

Akbaşî ard ziwan ke prosesê janî de kokimî zaf zehmetîyan ancenê û vat: ''Heyfo ke xebatî têna pê ziwanêk yenê kerdene. Naye ra ma waşt ke pê ziwanê dayîke bixebitê. Ma mengêke ra nata plankarîya na xebate kenê. Ma amadekarîya xo kerde, pabeyê şarê xo yê. Eke muracat bibo ma do hetkarîya şarê xo bikerê.''