Operasyonê leşkerî yo ke dewa Eskarî ya qezaya Pasûrî ya Amedî de 13ê gulane de amebi destpêkerdene, qedîya. Badê operasyonî şewatê daristanî dest pêkerd.

Çimeyanê cayîyan da zanayene ke Koyê Dorşînî yo ke herêma operasyonî de yo dîya adir ver, şewatê daristanî dewam keno. Reyna herêma Şenyayla de zî darî yenê birnayene. Roniştoxanê herême vat nê darî viraştişê qereqolanê neweyan de do bêrê şuxulnayene.

Hetê bînî ra daristanê dewa Gazî ya qezaya Dara Hênî ya Çewlîgî de zî şewatê di rojan de warê 9 donimîye vêşa.