Goreyê zanayîşan ê ke çimeyanê herême ra ameyî giretene, dima serewedaritişê Şêladizê yê vera estbîyayîşê eskeranê Tirkî yê Başûrê Kurdistanî de rayberê PDK'yî zî metodê ke dewleta Tirkî şuxulnena.

Ame vatene ke selahîyetdarê PDK’yî herêma Şêladizê de yew bi yew keyeyê ke domanê înan mîyanê Têgêrayîşê Azadî de şehîd kewtî zîyaret kenê.

Hetê bînî ra televîzyonê ke nêzdîyê PDK’yî yê zî pêşmergeyanê PDK’yî sey kesanê sivîlan dayê şinasnayene û vera PKK’yî de propaganda daya kerdene.

Serekwezîrê Herêma Kurdistanî yê Federalî Nêçîrvan Barzanî dima serewedaritişê şarê Şêladizê yê vera dagirkerîya Tirkî, eşkerayêk dayebî çapemenîye û kiştişê sivîlan ê bi destê dewleta Tirkî meşrû dîbi û PKK û şarê Şêladizê sucdar mojnayîbî. Barzanî îddîa kerdibi ke "Estbîyayîşê PKK'yî" bî sebebê hêrîşî û vatibi, "Ganî ma sebebê ke rayîrê nê bombarduman akenê mîyan ra wedarîme”

Dima nê eşkerayanê Barzanî, Duhok, Behdînan, Şêladizê û Dêraloke de 80 rojnamegerî, çalakwanî, sîyasetmedarî hetê asayîşê PDK’yî ra ameyî destbendkerdene.