Şingal de Roşanê Cema her pancşeme û îne yeno fîrazkerdene. Bi wesîleya roşanî êzidîyî cayanê fîrazan zîyaret kenê, qubeyanê zîyaretgehan newe kenê û tacê hîlalî serê qubeyan de daliqnenê. Dima ke qubeyî newe benê, Laleş de hac yeno kerdene. Goreyê bawerîya êzidîtîye ganî her êzidî/ye rayêke hac bikero/a.

15 ciwanê êzidîyî zî seba hackerdişî kewtî rayîrê Laleşî. La hêzanê PDKyî 15 ciwanî destbend kerdî.

Goreyê agahîyanê ke ameyê girewtene ciwanî bi bahaneya kontrolê nasnameyan ameyî berdene bi asayîşî. Dîya zanayene ke ciwanî ameyê berdene bi Dihokî, tîya de raştê îşkence û ferzkerdişê ajanîya Parastinî ameyê.

Goreyê agahîyanê ke Îdareyê Xoserî yê Şingalî dayê, 15 ciwanan ra 8ê ci vera dîyayê û ê bînî ameyê berdene bi Zîndanê Zirganî yê Dihok.