Verê Berê Sînorî yê Sêmalka de çalakîya nobete roja 61. de dewam kena. Çalakîye de cenazayê gerîlayanê ke Xelîfan de hetê hêzanê PDKyî ra ameybî şehîdkerdene yenê waştene. Heyetê Mayanê Haştîye ke tede 31 mayî estbîyî çalakîkerê Sêmalka zîyaret kerdî. Mayî semedo ke cenazayanê Tolhildane Raman û Serdem Cûdîyî bigêrê ver bi Berê Sînorî yê Pêşxabûrî şîyî.

La hêzanê PDKyî mayî asteng kerdî. Mayanê Haştîye vera hêzanê PDKyî nêrazîbîyayîşê xo mojna û pare kerd ke heta ke cenazayanê xo bigêrê ê do çalakîya xo rê dewam bikerê. Mayê Haştîye reya 3. a ke seba cenazayan şinê Berê Sînorî yê Pêşxabûrî la nêeşkenê hêzanê PDKyî ra cewab bigêrê.