Înîsîyatîfê Kurdîstanî Bipawê yê Mîyanneteweyî dewa Kune Masî ya Silêmanî de keyeyo ke banê înan hetê dewleta tirke ra dîyabi bombayan ver zîyaret kerd.

Zîyaret de endamê heyetî Niko Huglî vat: ''Ma seba ke bimojnê şima hetî de yê ameyî. Dewleta tirke dewletêka faşîst a û kurdan qir kena. Dewleta tirke pê hemkarîya welatanê bînanê ke çekan danê hêrişan kena. Ma key abigêrê Almanya ma do nê kerdişan rapor bikerê û pêşkêşê welatanê Ewropa bikerê.''

Nameyê keyeyî ser o zî Peyman Talibî qisey kerd ke hêriş de birîndar bibi. Talibî vat: ''Ma têna wazenê nê hêrişê dewleta tirke hînî biqede. Wa welatê Ewropa hînî çekan nêroşê Tirkîya. Tirkîya pê nê çekan kurdan qetil kena.''