Gerîlayê HPGyî Hîwa Sineyî pare kerd ke Şorişê Azadîne nêmaneno şorişanê destpêkan û vat ke tek rayîrê azadîye tewrbîyayîşê refanê azadîye yo. Hîwa Sine qala cigêrayîşê xo yê azadîye kerd û vat: ''Dişmen tim hêrişê ciwananê kurdan keno. Ciwanan darde keno, keno ke madeyan şuxilneno. Seba ke ez cewabê nê hêrişan bida kewta cigêrayîşan pey. Dima mi nameyê rêxistinêke eşnawti ke çar parçeyanê Kurdîstanî de vera zulmî wurzeno payan ser û şer keno. Bi nê hawayî mi PKK şinasna.

Wexto ke Rayberîye ameye esîrkerdene, no fikr ame sereyê mi; Rayberîye ameye tepiştene, şoriş zî qedîya. Labelê mi fam kerd ke şoriş nêmaneno şorişanê verênan. Her cayê Kurdîstanî de tewrbîyayîşê komelî mîyanê şorilê Rayberîye de bi. No şorişî wayîrê îdeolojîkê xurtî yo.  Rayberê Şarê Kurdî Abdullah Ocalanî têdûştîye û demokrasî ser o awan bîya û sebebo tewr pîl ê tewrbîyayîşê mi Rayberîye bi.''