Endama Konseya Pêroyîye ya KCKyî Elîfe Ronahî Medya Haber TVyî rê tecrîdê vera Rayberê Şarê Kurdî Abdullah Ocalanî, şehadetê Bêrîtane (Gulnaze Karataş) û hêrişê îşxalî yê dewleta tirke ANFyî rê ercnayî.

Qiseykerdişê Elîfe Ronahî ra beşêk wina yo:

''Tecrîd semedo ke venga Rayberîye bêro birnayene yeno caardene. La Rayberîye mîyanê nê tecrîdî de pradîgmaya newîye amade kerde. Rayberîye pê 'Rayîrê Hîrêyînî' Komployo Mîyanneteweyî kerd pûç. Rayberîya ma semedê pêro şaran û merdimîye perspektîfê konfederalîzmê demokratîkî naro. Dewleta tirke coka wazena tesîrê Rayberîye kêm bikera. Şarê ma tim wayîrê Rayberîye vejîyeno û estbîyayîşê xo de Rayberîye vîneno.

Embaze Bêrîtane hetê xoverdayîşî rê tesîrê komelî û gerîlayan kerd. Hêzo ke ma embaze Bêrîtane ra girewto no yo ke qetî vera xayînan mevinderê, tim têkoşîn bikerê. Bi hezaran cinîyî pê tesîrê embaze Bêrîtane tewrê gerîlayan bîyî. Têkoşînê ma yê 40 serran resayo serfîrazîye. No xêrê embaze Bêrîtane û şehîdanê bînan ra bi.

Dewleta tirke 2020 de hêrişê Heftanînî kerd la ser nêkewte. Dima sibata 2021î de hêrişê Garê kerd la ser nêkewte. Dewleta tirke semedo ke nê binkewtişanê xo binimna 23ê nîsane de hêrişê herêmanê Zap, Metîna û Avaşînî yê Pawitişî yê Medya kerd. Embazanê ma çarçewa Hemleyanê Şorişgêran ê Bazanê Zagrosan û Cengê Xabûrî de xoverdayîşêko bêhempa kerd û kenê. Dewlete vatêne qet 2-3 mengan de gerîlayan çin bikera la bîyo 6 mengî nêeşkaye aver şora.

Embazê ma bi qerardarî û îradeyî vera teknîk, çeka kîmyewîye û gazê jehrînî yê dişmenî şer kenê. Dewleta tirke verê xoverdayîşê gerîlayan de nêeşkaye aver şora coka wazena pê çeka kîmyewîye ser bikewa. Dişmeno ke PDK û NATo girewt xo pey reyna do ser nêkewo. NATO tim paştî dano Tirkîya û şuxilîyayîşê çeka kîmyewîye tesdîq keno. PDK zî Tirkîya zî zanenê ke heta ke PKK estbo ê do ser nêkewê. Xora îqtîdarê AKP-MHPyî ameyoxê xo çinkerdişê gerîlayan ser o nayo ro.

Dewleta tirke û AKP-MHPyî nê şerî de hêzê gerîlayan dî. Planê Çokdayîşî yê dewlete xo ard verê çokdayîşî. Hînî hayîya muxalefet, komelî ya tirkîya esta ke nê şerî de bi seyan leşkerî merdî. Tirkîya hînî mejbûr a ke binkewtişê xo qebul bikera. Ma ra yew kes zî bimano têkoşînê PKKyî do nêqedo. Dewleta tirke cayo ke waştêne nêvist destî. Mîyanê kurdan de hînî îtîbarê PDKyî nêmendo. PDK ganî vera îşxalî tewir bigêro.''