Goreyê xebera Rojnewî Pêşmergeyê Dêrînî Pêşrew Ehmed Kelanî hesabê xo yê facebookî ser de mesajêk pare kerd û vist vîrî ke ey verî zî şerê YNK û PDKyî yê vera PKKyî de ca nêgirewtbi.

Kelanî vat: ''Serranê 90an de PDK û YNKyî vera PKKyî şer kerd. o çax zî ez tewrê nê şerî nêbîya. Nê peyê emrê xo de zî ez o fîşekî bierza xo la qetî nêerza way û birayanê xo yê PKKyî.''

Fermandaranê Pêşmergeyan ra Wahat Sertîpî zî 15ê hezîrane de ANFyî rê qisey kerdbi û îfade kerdbi ke şerê zereyî yê kurdan vera kurdan îxanet o. Sertîpî vatbi: ''Ma şerê zereyî ra zaf dî. Ma do heta peyên vera nê şerî vinderê.''

12ê hezîrane de Endamê Polîtburoyî yê YNKyî û Fermandarê Cepheyê Germîyanî yê Pêşmergeyan Mehmûd Segawîyî vatbi: ''Semedê 'aferînê' Tirkîya û Iraqî ma do domananê xo mekişê. Ganî ma şerê vera PKKyî heram bikerê. Dinya de qîyamet zî rabibo ez do fîşekêk nêerza PKKyî.''