Şerwana YPJyî ya silêmanije Bêrîvane Kurdîstan 2016 de tewra têkoşîbî bîye û mîyanê Şorişê Rojawanî de zî ca girewt.

Bêrîvane ard ziwan ke a azadîya kurdan û azadîya şaran felsefeya Apogîre û Şorişê Rojawanî de dîye coka tewra YPJyî bîya.

Bêrîvane bale ante hêrişanê dewleta tirke yê vera Başûrê Kurdîstanî ser û vat: ''Dewleta tirke dişmena kurdan û ça de benê wa bibê tim hêrişê kurdan kena. Dewleta tirke şerê nikayênî de wazena PDK zî hetê xo tewrê şerî bikera.

Keyeyê mi de hîşmendîya PDKyî estbî. La çîyo ke dewleta tirke pêşmergeyan ra wazena vera erjê neteweyî yo. Ez venga pêro pêşmergeyan dana ke xeta xiyanetî de ca megêrê. Eke gerîlayî û pêşmergeyî mil bi mil şer bikerê eşkenê Kurdîstan azad bikerê û dewleta tirke vindarnê. Ganî partîyê sîyasî yê Başûrî bizanê ke dewleta tirke ya îşxalkere xo rê her çi heq vînena û wazena destkewteyanê kurdan çin bikera.

Ez venga şar, cinî û ciwananê Başûrî dana ke vera dewleta tirke seba erdê ma xo ver bidê. Eke ma hetê gerîlayan de ca nêgêrê ma do ser nêkewê. Şarê ma yê Başûrî ganî verê hêrişanê dewleta tirke de milê xo nêaro war.''