Peykerê Zerdeşt Şengalî do Şingal de bêro ronayene

Peykerê fermandaranê YBŞyî ra Zerdeşt Şengalîyo ke 2020 de hêrişê dewleta tirke ya îşxalkere de şehîd bi, do Şingal de bêro ronayene.

Hêzanê Asayîşê Iraqî vizêr nêverdabi ke peykerê Fermandarê YBŞyî Zerdeşt Şengalîyî derbazê Şingalî bêro kerdene. Şarê Şingalî vera ney noqtaya kontrolî ya Hêzanê Asayîşê Iraqî de kom bi û çalakîyêke kerde.

Xoverdayîşê şarê Şingalî ra dima Hêzanê Asayîşî yê Iraqî destûr da ke peykerê Şingalîyî derbazê şaristanî bêro kerdene.

Zerdeşt Şengalî û şervanê YBŞyî Pîr Hamîd, Êzdîn Şengalî û Cilo Şengalî serra 2020î de hêrişêkê hewayî yê dewleta tirke de şehîd bîyî.