Heyetê Neteweyanê Yewbîyayeyan ê Nînova  pê serekîya Zuhîra El Tabûrî vizêr Şingal zîyaret kerd. Heyet verî  temsîlkaranê Îdareyê Xoserî dima zî TAJÊ reyde kom bi û goşe daye waştişanê îdareyê êzidîyan.

Berpirsîyarê Têkilîyanê Teberî yê Îdareyê Xoserîya Demokratîke yê Şingalî Faris Herbo û Vervatoxa Têgêrayîşê Azadîya Cinîyan ê Êzîdîyan (TAJÊ) Neam Bedele zîyaret ser o ANFyî rê qisey kerd.

Faris Herboyî vat: ''Reya hîrêyîn a ke ma temsîlkaranê NYyî de kom benê. Ma zafêr Şingalî ser o qisey kerd. Ma nînan rê vat ke peymana serê Şingalî meseleyêka ma zî çareser nêkena û peymane ra dima zî herême de alozîye zêdîyaye. Şingal de 23 dezgehê dewleta Iraqî estê cara na peymane hewce nêkena. Şingal de bi desan kesî bêkar ê ganî verî na mesele bêra çareserkerdene.''

Neame Bedel vat: ''Ma nînan rê qala ci kerde ke cinîyê ma senî destê DAÎŞî ra ameyî xelisnayene û ma azadîya cinîyan ê esîran ser o zî qisey kerde. Xora ma zêdêr bala xo daye Peymana Şingalî ser. Ma pare kerd ke peymana 9ê teşrîna verêne ra dima meseleyê Şingalî zêdîyayî, ma dûştê na peymane yê.''