Hemserekê Meclîsê Xanesorê Daxil Mirad û Serekê Eşîra Xidirî Hecî Mîrzayî derheqê peymana Bexdad-Hewlêrî ya seba Şingalî de ANFyî reyde qisey kerd.

Hemserekê Meclîsê Xanesorê Daxil Miradî vat: ''Ma zîyaretê xo de partîyanê sîyasîyan ê Bexdadî rê vat ke ê senî bêîradeyê ma na peymane qebul kenê. Goreyê ma na peymane bi tedaya DYA ameye kerdene. Ma pêvînayîşanê xo de da zanayene ke bira Şingalî destê Meclîsê Xoserî yê Şingalî de yo. Ey ra berî kes nêeşkeno derheqê ma de birêke bido. Ma hukmatê Iraqî ra mojna ke wayîro raştikên ê Şingalî şarê Şingalî yo. Ma îfade kerd ke ma bira derheqê YBŞyî de qet qebul nêkenê.  Ma wazenê wa Meclîso Xoser ê Şingalî bi fermî bêro qebulkerdene.''

Serekê Eşîra Xidirî Hecî Mîrzayî zî vat: ''Ganî na peymane ma ra bêra persayene. Ma zîyaretê xo yê Bexdadî de zî vat, ma do qet na peymane qebul nêkerê. Şarê ma hînî hîşyar o, hêzê ma YBŞ, YJŞ estê. Ma waşt ke hukmatê Iraqî nê hêzan wa qebul bikero. Wa şarê ma hîşyar bibo, tay hêzî wazenê ma qir bikerê. Eke şarê ma sere wenêdaro û xo ver nêdo reyna domanê ma do bikişîyê. Seba kultur û bawerîya ma wext wextê xoverdayîşî yo.''