Leşkeranê tirkî xîret kerd ke bikewê Pîrbûla ya warê Heftanînî yê Herêmanê Pawitişî yê Medya raştê têkoşînê gerîlayan ameyî. Pêkewtişî dormeyê dewa Banîke de vila benê.

Goreyê zanayîşanê ke ameyî girewtene, Pîrbûla Mabênê leşkeranê tirkî û gerîlayan de pêkewtişê giranî qewimîyenê. Pêkewtişan de merde û birîndarê leşkeranê tirkî estê. Reyna teyarayê keşîfî zî gêrenê. Artêşa tirke ya îşxalkere bi abus û havanan warê Pîrbûla bombarduman kena.

Hetê bînî ra HPGyî da zanayene ke 19ê tebaxe de Gare de warê dewa Kavika, Metîna de dewê Mezin û Kestê û Qendîl de Dola Botê, Qilê Şehîd Cîhan û dewa Şêxan hetê teyarayanê tirkî ra ameyî bombardumankerdene.  Reyna saetanê şanî de zî warê Tabura Erebanî yê Avanîşî ame bombardumankerdene.

HPGyî vat: ''Hêrişê artêşa tirke ya vera Kanî Mezînî de erazî de şewat vejîya û hemwelatijo sivîli  Xalid Abdurrahmanî ke waştêne şewatî hewna bikero, hetê artêşa tirke ra bizanayîş ame qetilkerdene û dima ra sey PKKyîjî ame ramotene ke serê qirkerdişê înan bêro girewtene. Ma merdimanê Xalid Abdurrahmanî û şarê welatperwerî yê Kurdîstanî rê serweşîye wazenê û soz danê ke do hesabê nê bêro persayene.''