Pisporê erdlerzî: Ma Çewlîg de bi girdîya 7 erdlerzêk pawenê
Erdlerzê vizêrînî ra dima Prof. Dr. Nacî Gorurî hîşyar kerd ke Çewlîg herêma DAF de yo û ê serê xeta fayî ya Çewlîg-Kanîreşî de bi girdîya 7 erdlerzêk pawenê.
Vizêr goreyê saeta herême 11.20 de Çewlîg de bi girdîya 4.2 erdlerzêk qewimîya. Goreyê Rasatxaneyê Kandîllî xorinîya erdlerzî 7.3 kîlometre bibî.
Erdlerzî ra dima Jeolog Prof. Dr. Nacî Goruro ke xarpêtij o hesabê xo yê twitterî ser o derheqê erdlerzanê muxtemelan ê Çewlîgî de hîşyarîyêke daye.
Gorurî vat: ''Çewlîg de bi girdîya 4i2 erd lerza. Tîya noqtaya hempare ya KAF û DAFî ra dûrî nîya, mabênê DAF û Kanîreş-Çewlîgî de ya. Ma na noqta de bi girdîya 7an pabeyê erdlerzî yê. Tewr peyên 1866 de bi girdîya 7,2î tîya de erdlerz qewimîya.''
