Meclîsê Partîya Cuya Azade ya Kurdîstanî (PJAK) pê eşkerayîyêka nuştekîye Endamê Komîteya Merkezî ya PKKyî Kasim Engîn yad kerd. 

Eşkerayîya PJAKî wina ya:

''Ma şexsê Kasim Engînî de pêro şehîdanê Kurdîstanî yad kenê û hêrişanê dewleta tirke yê vera kurdan şermezar kenê. Nameyê PJAKî ser o ma perwerîya xo ya seba şehîdan û armancanê înan dibare kenê.

Dewleta tirke ya ke wazenê mabênê kurdan de birakujî biba, serranê peyênan de hêrişê vera Başûrê Kurdîstanî zêdînayî. Kurdî vera nê hêrişan xo ver danê. Başûrê Kurdîstanî de baregehê dewleta tirke û MÎTê ci zêdêr ê ke ganî şarê şarê Başûrî tewirê xo vera ney bimojno. Bêvengîya hukmatê Hewlêr û Bexdadî yê vera nê hêrişan nêna qebulkerdene. Eke hêzê Başûrê Kurdîstanî vera nê hêrişan û îşxalî bêveng bimano, na  bêvengîye sey hemkarî do bêra hesibnayene û nêra qebulkerdene. 

Rejîmê Îranî zî sey dewleta tirke vera şarê kurdî û hêzanê azadîye qirkerdiş keno. Pê vilabîyayîşê janî yê zîndanan zî rîyo barbar ê rejîmê Îranî ame dîyene. Embaza ma Zeynebe Celalîyan a ke Zîndanê Xoyî ra ameye berdene bi Zîndanê Qerçekî pê vîrusê Korona kewte. Na rewşe seba ma rewşêka bêwijdanî ya. Rejîmê Îranî cade nê embazan vera bido û tedawî bikero. Ganî pêro rêxistinê heqanê merdiman û rayaumûmîye seba veradayîşê tepişteyan ê sîyasîyan têbigêrê.

Şarê ma ganî wayîrê erjanê xo, xoverdayîşê zîndanan bivejîyo, çar parçeyanê Kurdîstanî de wayîrê erj û armancanê şehîdan bivejîyo ke erkê xo bîyaro ca. Embaz Kasim Engîn Têkoşînê Azadîye yê Kurdîstanî de rolêko aktîf ard ca. Pêro cuya xo de perwerîya xo ya seba welat, tarîx û raştîya xo arde ziwan. Ma do pêro waranê têkoşînî de rêçê Fermandar Kasim Engînî de Kurdîstan azad bikerê, yewîya neteweyîye bîyarê ca û Rojhelatê Mîyanênî demokratîk bikerê.''