Komîteya Rayberdişî ya PKKyî bi wesîleya serrgêra 8. ya Şorişê Rojawanî eşkerayîyêke daye şoriş pîroz kerd, şexsê  Şîlane Kobanê, Xebat Dêrîk, Gelhat Gabar, Arîne Mîrkan û Adnan Ebu Emcetî şehîdê qehremanî yê şorişî û Raywanê azadîye yê Pisrûsî  yad kerdî û  nê pare kerdî:

''Seke yeno zanayene ke Şorişê Azadîye yê Rojawanî bi keda Rayber Abdullah Ocalanî ya 20 serran û têkoşînê şarê ma yê çar leteyanê Kurdîstanî yê seserran ame kerdene. Şorişê Rojawanî rixmê heme hêrişanê dewleta tirke û çeteyanê ci bi paradîgmaya Rayber Apoyî payra mend. Reyna no zî zaf hole yeno zanayene ke  Şorişê Azadîye yê Rojawanî şorişê şarî yo, şorişê cinîyan, ciwanan û komelê demokratîkî yo. Şorişê netewo demokratîk o ke bi yewbîyayîşê heme şaranê kurd, ereb, asûrî-sûryanî, tirkmen, ermenî yê Vakur û Rojhelatê Sûrîye yê ame kerdene ramojna ke cuyeyêka alternatîfe û yewna dinya mumkin a.

Xora bêşik o  ke Şorişê Azadîye yê Rojawanî yo ke Şorişê Modernîteya Demokratîke yo eynî wextî de Şorişê Azadîye yê Cinîyan o. Ma eşkenê vajê ke çirey yew şoriş de sey Şorişê Rojawanî cinîyan ca nêgirewt û ci  rê serkêşîye nêkerd. Her kesî hêzê afernayîşî û serkewtişî yê cinîya ke xeta azadîye ya Apoyî de  xo rêxistin kerd û bîye fedaîye, pratîkê Rojawan de dî. Miheqeq na xete prosesê verê ma de hîna afernaye û bitesîre do bêo caardene.

Ewro zî vera şorişî herhetî ra hêrişî yenê kerdene. Ma bawer kenê ke şar û hêzê azadîye yê Rojawanî cayê ke ameyî îşxalkerdene peyser bixelisnê û vera her qeyde hêrişan şorişî bi serkewtiş bipawê. Sey vizêrî ewro zî çar leteyanê Kurdîsta û Ewropa de çimê şarê ma û dostanê ci serê Rojawanî de yo. Şorişê Azadîye yê Rojawanî raşta zî bîyo roşnayî û ûmid. Şorişê Azadîye yê Rojawanî  yo ke bîyo roşnayî û ûmidê şaran do xeta modernîteya demokratîke ya Rayber Apoyî û şehîdanê qehremanan de bi hîrabîyayîşî dewam bikero.. Na çarçewe de ma sere de kurdî, şarê Rojawanî  pîroz kenê, şehîdanê qehreman bi hurmet yad kenê, hêzanê xoverdayoxan selam kenê û sera 9. ya şorişî de serkewtiş wazenê.''