Komîteya Rayberdişî ya PKKyî bi wesîleya serrgêra Komployê 9ê Teşrîna Verêne eşkerayîyêke daye. Eşkerayîye wina ya:

''Ma serrgêra 26ine ya Komployê 9ê Teşrîna Verêne ya 1998î de yê ke îmhaya Rayber Apoyî, tasfîyeya PKKyî û qirkerdişê kurdan armanc kerdêne. Hemleya Azadîye ya Globale zî ha dekewena serra xo ya diyîne. 

Ma Komployê 9ê Teşrîna Verêne ancî nalet kenê û venga pêro hêzanê komplogeran danê ke wa polîtîkayanê xo yê zaliman biqedînê. Ma xoverdayîşê Rayber Apoyî yê bêhempayî selam kenê. Ma têkoşînê şarê xo yê vera komployî zî sekam kenê. Ma serra diyîne ya Hemleya Azadîye de her kesî rê serkewtiş wazenê.Ma şehîdanê 'Şima nêeşkenê tîja ma tarî bikerê' bi rêz û minetî yad kenê. Ma ancî îfade kenê ke xeta şehîdan û Rayberîye de ma do sîstemê Îmraliyî û Komployê Mîyanneteweyîyî bi temamî bin bikerê.

Komployo Mîyanneteweyî û Şerê Dinya yo 3. pîya ameyî rêxistinkerdene û heman hêzan nê ardî ca. Nê hêzan şexsê Rayber Apoyî de waşt ke azadîya kurdan û demokrasîyê Rojhelatê Mîyanênî asteng bikerê û 26 serran de dinya vurnaya golê gonî. La hêzê komplogerî ancî zî hêrişanê xo de ser nêkewtî. Rayber Apoyî bi tewir û xoverdayîşê xo hêrişê nînan şiknayî. Ey bi paradîgmaya xo ya Modernîteya Demokratîke esasê îdeolojîkî yê hêzanê komplogeran bin vistî. O bi Rayberêko Global û ey wina dêsê Îmraliyî parçe kerdî. Nika o pêro dinya bi fikranê xo rêxistin keno û vera modernîteya kapîtalîste modernîteya demokratîke aver beno.

Bêguman vera komployî tewr zaf partîya ma û gerîlayan xo ver da. Gerîlayan Herêmanê Pawitişî yê Medya de artêşa tirke ya faşîste teng kerde û moral da hêzanê welatperweran. Ciwanî û cinîyî zî serkêşîya Rayber Apoyî de bi xurtî xo ver danê. Ciwanî xoverdayîşê gerîlayan ra hêz gênê. cinîyî bi şîarê 'Jin, Jiyan, Azadî'  serkêşîya têkoşînê azadîya Rayberîye kenê. Serra 26. ya komployî de têkoşînê  seba azadîya Rayber Apoyî asta tewr berze de yeno kerdene.

Şarê ma yo welatperwer û dostê ma!

Netîceyê têkoşînê 26 serran mojnenê ke komplo eşkeno bêro binvistene. Têkoşînê Rayber Apoyî û hetê şarê ma û partîya ma ra wayîrvejîyayîşê nê têkoşînî komplogerî bin vistî. Eşkera bîyo ke rayîrê çareserîya pêro krîzan û meseleyan fikranê Rayber Apoyî de yê. Hinî ya bi formulê 'Kurdîstanê Azadî, Rojhelatê Mîyanênî yê Demokratîkî' çareserîye do bêra yan zî şer hîna xorin bibo. Hemleya Azadîye zî mojna ke ma eşkenê hêrişanê emperyalan bişiknê, neteweperwerî û dînperestîye bin bikerê û yewîya konfederale awan bikerê. Ma do serra 27ine ya têkoşînê vera komployî de esasê azadîya kurdan de verê demokratîkbîyayîşê Rojhelatê Mîyanênî abikerê.

Xoverdayîşê 26 serran û serra yewine ya Hemleya Azadîye mojna ke serkewtiş mumkîn o. Îqtîdarê AKP-MHPyî yo faşîst û sîstemê dewleta tirke hinî peyê rayîrî de yê. Yanî verê azadîya kurdan û demokratîkbîyayîşê Rojhelatê Mîyanênî abîyo. Hinî wextê ci ameyo ke azadîya Rayber Apoyî bêra caardene. 

O çax bi nê nêzdîbîyayîşî serra diyîne ya Hemleya Azadîye de têkoşîn ganî bêro kerdene. O çax ma sey têgêrayîş, cinîyan, ciwanan û dostanê ma têkoşînê xo seba servistişê nê hedefî bîyarê ca! Ma bi seferberî Hemleya Azadîye biresnê her cayî û bi xurtêrî bîyarê ca! Ma bi metodanê zengînan û neweyan netîce bigêrê! Ma serkêşîye bikerê! Ma serra diyîne ya hemle de azadîya Rayber Apoyî qetî bîyarê ca!

 Nê esasî ser o ma ancî komployî nalet kenê, şehîdanê nê têkoşînê 26 serran ancî bi rêzî yad kenê. Sere de cinî û ciwanî ma venga pêro şarê ma û dostanê ma danê ke serra diyîne ya hemle de bi xurtî tewrê çalakîyanê hemle bibê!''