Komîteya Rayberdişî ya PKKyî Zîlana (Zeynep Kinaci) ke 30ê hezîrana 1996î de çalakîya fedayîye kerde û Endamê Konseya Hemserekîye ya KCKyî Şehîd Helmet (Dîyar Xerîb) serrgêra şehadetê înan de pê eşkerayîyêke yad kerde.

Eşkerayîye wina ya:

''Ma raybera ma ya fedayîye, rûmeta cinîyan û şarê kurdî embaze Zîlane (Zeynepe Kinaci) serrgêra 25. ya şehadetê ci de  bi rêz, herskerdiş û minetî yad kenê. Ma her keso le xeta Zîlane de vera qirkerdiş û kolonyalîzmî têkoşîn kenê selam kenê û înan rê serkewtiş wazenê. Sey têgêrayîş û şarî ma do serra 26. ya fedayîtîye de bi xurtî şer bikerê û bi hawayêkê pîlî ser bikewê.

25 serrî verî 30ê hezîrana 1996î de embaze Zîlane merkezê Dêrsimî de pê çalakîya xo ya fedayîtîye derba tewr girane daye sîstemê qirkerî ro û pê hîşmendîya xo çalakîya ma resnaye asta tewr berze. Aye pê çêrî û fedakarîya xo, pê qerardarî û îradeyê xo, pê perwerîya xo ya Rayberîye xo resna cinî, ciwanan û şarê kurdî. A bîye sembola çinnêbîyayîşê gerîlayan û gerîlatîya cinîyan a xeta fedayîye, rayberîya cinîyan a têkoşînê azadîye xurt kerde. Xeta azadîya cinîyan û şorişê cinîyan ê azadan aferna ke Kurdîstan de awan bîye û dinya ra vila bi. 

Nameyê şar û têgêrayîşî ser o 40 serrî yo a xeta fedayîye ya Zîlane de şer kenê û ser kewenê. Aya ke ma ser visnena, hêz dana ma, ma rêxistin kena na xeta fedayîtî ya. Aya ke hêrişê komployê mîyanneteweyî yê hêzanê kolonyalîstan pûç kerdî na xet a. Seba ma, şar û têgêrayîşê no çimeyo tewr pîl ê hêzî na xet a ke raştîya Zîlane de zîl daye.

Sere de Metîna, Zap û Avaşîn de Heftanîn û Xakûrkê de pêro koyanê Kurdîstanî û metropolanê Tirkîya de şerê demokrasî û azadîye na xete ser o yeno kerdene. Aya ke her roje derba girane dana AKP-MHPyî ro na xet a. Çar parçeyanê Kurdîstanî de û teberê welatî de dost û şarê ma vera îşxalê dewleta tirke û hemkarîya ci na xete ser o çalakîyan kenê. Rayberîya cinîyan na xete ser o aferîyena. Şerwanîya HPG û YJA-Starî ya bi zîlanbîyayîşî bena rayberîya raştikêne, sondê serkewtişî. Embaze Zîlane 25 serrî yo mîyanê têkoşînê winasênî de esta û nika ra pey zî do estba!

Nameyê şar û têgêrayîşî ser o ma serrgêra diyîne ya şehadetê çêrê şarê ma yê Başûrî endamê Komîteya Merkezî ya PKKyî û Konseya Serekîya Pêroyî ya KCKyî Helmet (Dîyar Xerîb) de yê. Ma embaz Helmet bi rêz, heskerdiş û minetî yad kenê, sozê xo dibare kenê ke armancê ci bîyarê ca û wayîrê vîrameyîşê ey vejîyê. Sere de şarê ma yê Başûrî ma venga pêro şarê xo, hêzanê sîyasîyan, roşnvîran û hunermendan danê ke raştîya embaz Helmetî hol fam bikerê û wayîrê ci vejîyê.

Raştîya embaz Helmetî roşnvîrîyêka pîl a; heq, edalet û heqîqatî temsîl kena û mojnena ma ke ganî welatperwerêk, demokratêk û şorişgêrêko raştikên senî bo. Mojnena ma ke vera dewleta qirkere ganî kurdî senî tewir bigêrê. Mojnena ke vera hêrişanê îşxalî yê faşîzmê AKP-MHPyî yê serê Başûrî ganî tewirêko senî bêro mojnayene û çi bêro kerdene. Vera pêro şiklê xîyanet û ajanîye raştîya embaz Helmetî rayîrê ma roşnî kena. Ey pê na raştîye parçebîyayîşê Kurdîstanî qebul nêkerd, îşxal û kolonyalîzm nêşinasnayî, vera qirkerdişê kurdan têkoşîn xo rê kerd esar û yewîya neteweya demokratîke her çî ra ver dîye.

Ma pê bawer ê ke serrgêra diyîne ya şehadetê ey de raştîya embaz Helmetî do Başûrê Kurdîstanî de zêdêr bêra neqişnayene, bêra famkerdene û wayîrvejîyayene. Sere de cinî û ciwanî pêro şarê kurdî na raştîye wa xo rê bikerê esas. Na çarçewe de vera hemkarîye tewirî bêrê eşkerakerdene, vera îşxalê AKP-MHPyî tewirêko hîna zelal bêro mojnayene, vera pêro şiklanê îşxalî û hemkarîye kurdî bibê yew û têkoşînêkê hemparî bikerê. Tewiro ke şarê ma û merdimîye rê fayde keno no yo. No tewir û têkoşîn do estbîyayîşê ma yê neteweyî, ameyoxê ma yê azadî bîyaro ca.

Nê esasî ser o sere de PDK ma venga pêro partî û rêxistinan danê ke vera îşxal û qirkerdişê tewirê yewîya neteweyîye û têkoşînê azadîye bimojnê. Sere de Amerîka û Almanya ma venga hêzanê teberî danê ke parçekerdişê yewîya kurdan ra fek vera bidê. Sere de şarê cîranî ma venga pêro şaran û merdimîye danê ke dinyayêka demokratîke biafernê.

Nameyê PKKyî û şarê kurdî ser o ma tim terefgîrê yewîya demokratîke-neteweyîye ya kurdan ê, meseleya kurdan de terefgîrê çareserîya demokratîke ya wayûbiratîya şaran ê. Ma venga hêzanê sîyasîyan danê ke na raştîye bivînê û ci rê hûrmet bimojnê. Nê esasî ser o 40 serrî yo ma bi des hezaran şehîdî dayî, xo ver da. Ma sey embazan Zîlane û Helmet çêrê fedayîyî afernayî. Qetî yo ke ma naye ra pey zî seba azadîye û demokrasî heman xete ser o xo ver bidê. Na çarçewe de ma venga cinî û ciwanan, şar û dostanê xo danê ke dormeyê hemleyanê gerîlayan de bêrê yewca, hemleya ma 'Wext Wextê Azadîye' ser bivisnê ke seba azadîya Rayber Apoyî yena kerdene.''