Komîteya Merkezî ya PKKyî bi wesîleya aşma şehîdan eşkerayîyêke daye û nê pare kerdî:

''Ma sey têgêrayîşî Aşma Şehîdan û 18ê Gulane Roja Şehîdan a newî ciwîyene. Serrgêra 44. na roje û aşme de  ma şexsê Rayber Apo û şorişgêro gird hemra Hakî Karero ke Rayber Apoyî vatêne ‘ Sey ruhê mi yo nimite yo’ heme şehîdanê têkoşînê azadîye  bi heskerdiş, hurmet û minetî yad kenê û soze caardişê waştişanê înan newe kenê. Ma şexsê hemrayî Hakî û Halîl, Ferhat Kitay û embazanê ci, Mehmet Karasungur û Îbrahîm Bîlgîn, Azat û Çektar, Şirîn Elemhulî û embazanê ci, Hozane Mîzgîne, hemrayî Hêlîne, Salîh, Ozan û heme şehîdê Qirkerdişê Hêwelerî, Hemrayî Sabrî, Cimşit, Andok û Erişî bi hurmet û minetî yad kenê. Reyan rayberanê şorişê Tirkîya ra Deniz Gezmiş, Yusuf Aslan, Huseyîn Inan, Ibrahim Kaypakkkaya, Sinan Cemgil û Ulaş Bayraktaroglu de heme şehîdanê şorişî yê Tirkîya bi hurmet û minetî yad kenê.

Seke yeno zanayene ma emser binê hêrişê vîrusê Korona yê sîstemê kapitalîstî de aşma gulane ciwîyene. Kolonyalîstan no jan zî sey firsendêk dî û vera cinîyan şaran hêrişê xo zêdînayî. Tewr zaf zî na polîtîkaya hêrişkara hetê îqtîdarê Tirkîya ra yena rayraberdene. Bi qanûnê îfazî heme qetilkar û tecawuzkarî vera dayî û cinî û ciwanî keyeyan de heps kerdî ke vernîye têkoşînî bigêrê. Seba ke peynîya îqtîdarê helisyayî ameya bi hêrişan wazenê payra bimanê.

Gerîlayê ma vera na polîtîkaya hêrişaker her roje bi çalakîyan cewabê înan dano. Semedê nê xoverdayîşê tarîxî ma înan silam kenê û serkewtiş wazenê. Ganî şarê ma zî semedê rijnayîşê tecrîd û faşîzmê hukmatî têkoşînê azadîye gird bikero. Reyna hêzê demokratîk û şorişgêrî, cinî, ciwan, kedkar, karkerî ganî hêzê xo bikerê yew ke vernîyê rejîmê faşîstî bîgêrê.  Sîstemê kapitalîzmî ke qala azadîya bêsinor keno dinya açarnaya zîndanî. Na çarçewe de vejîya werte ke xelisyayîşê merdimîye sîstemê konferalîzmê demokratîkî yê Rayber Abdullah Ocalanî de yo. Seba ke merdimîye kapitalîzmo ke vîrusê Korona vetê werte ra bixelisîyo ganî xoverdayîşo hempar bêro girdkerdene  kongreya demokrasîyî ya alternatîfe bêro raameyene.

Babeta tewr muhîme ya roja ma xebatê yewîya neteweyîye ya. Seba ke PDKyî hêzê leşkerî sewqê Zînî Wertê kerd ke PKKyî tehdît bikerê mîyanê kurdan û dostanê înan de ruhê yewîya demoratîke ya neteweyîye girdêr bîyo. Ma nê ruhî silam kenê. Bêşik o ke ganî sîyasetê kurdan zî na raştîye vîno û nê zanist û ruhê yewîya neteweyîye esas bigêro. Ma sey têgêrayîşê PKKyî reyna vanê ke çiyo ke keweno milê ma ma do bîyarê ca. Xora şehîdanê ma yê qehremanan yewîya neteweyîye merheleya tewr girde de afernaya. Tewt peynî de Rayber Apoyî zî reyna semedê yewîya demokratîke ya neteweyîye  veng da. Ma veng danê heme partî û rêxistinanê kurdan ke wa vera kayanê dişmenê hayîdar bê û semedê yewbîyayîş û girdkerdişê têkoşînê kurdan gamêke bierzê''