Komîteya Keyeyanê Şehîdan a PKKyî semedê Yasîn Bulutî eşkerayîye daye vat: ''Wa bêro zanayene ke şexsê hemra Şukruyî de do qesasê heme şehîdanê ma yê şorişî bêro girewtene û gonîya înan a ke semedê azadîye şaran rişîyayî do erdî de memano.''
Endamê Komîteya Keyeyanê Şehîdan a PKKyî Yasîn Bulut (Şukrî Serhed) Silêmanî de hetê artêşa tirke ra ame qetilkerdene. Komîteya Keyeyanê Şehîdan a PKKyî ke derheqê serebûtî de eşkerayîye daye.
Eşkerayîya komîte de nê ameyî vatene:
''Têgêrayîşê Azadîye yê Kurdîstanî tarîxê têkoşînê xo yê 40 serran de her hela xo pê hêz û bawerîya ke şehîdan ra gena payra mend. Raştîya şehîdan a ke şesxê PKKyî ciwiyena roja eştişê guleyê verênî ra heta ewroyî tarîtîye dirnena û şaran rê rayîrê azadîye û roşnayîye akena. Senî ke Rayber Apoyî zî vat ''girdîya yew dewa pê gonîya şehîdan bewlî bena. Dewayê ke şehîdê ci çîn ê mumkun nîyo ke ser bikewê.'' Coka PKK partîya şehîdan a û na raştîye do peynîya kolonyalîzmî bîyaro.
Dewleta tirke ya îşxalkere pê hêrişanê hîrayan wazena ke Têkoşînê Azadîye yê Kurdîstanî tasfîye bikero ke semedê çînkerdişê kurdan verê ci de ansteg mebo. Coka bi metodanê şerî yê leymin û teberê merdimiye yê ke çiray nameyê vînayene hêrişê Têgêrayîşê Azadîye yê Kurdan kena. Xeta PKKyî ya ke 40 serrî yo semedê kurdan têkoşîn kena û xeylêk destkewteyî fînayî destê ewro zî vera hêrişanê pîlan rî bi rî ya. Hêzê hegomanîkî ke pê komployê mîyanneteweyî nêrasayî waştişanê xo pîya bi dewletanê faşîstan ê herême hemkaranê cayîyan her hetî ra hêriş kenê.
Dewleta tirke ya ke 5 mengî yo verê xoverdayîşê gerîlayan de nêeşkena ser bikewo, narey bi destê xayînan Başûrê Kurdîstanî de dest pê hêrişanê leminan kerd ke netîce bîgiro. Tewr peynî de hemrayê ma Endamê Komîteya Keyeyanê Şehîdan a PKKyî Yasîn Bulut (Şukrî Serhed) ey ke emrê xo semedê azadîya şarê xo da, pê hêrişê ke xayînî bajarê Silêmanî yê Başûrê Kurdîstanî ame şehîdkerdene. Hemrayê ma Şukruyo ke pê keda pîle erjê pîlî afernayî zerrîya şaran de cayo ke heq keno girewto. Mîraso ke ey ma rê verdayo ma do sey embazanê ci yê têkoşînî bianorî heta serkewtişî bikirişê. Wa bêro zanayene ke do şexsê hemra Şukruyî de qesasê heme şehîdanê ma bêro girewtene o gonîya înan ke semedê azadîye şaran rişîyayî do erdî de memano. Reyna sere de keyeyê Bulutî wa sereyê heme şarê kurdî weş bo.''
